السادس من نوعه في العالم.. حكاية المشروع المعجزة اللي قرب يخلص في مصر
![العلم الوطني المصري]( /UploadCache/libfiles/5/5/600x338o/960.jpg)
من بين آلاف المشروعات اللي تمت واللي لسه بتتعمل في مصر فيه مشروع عالمي وكان من الأحلام إنه يتعمل ومحد كان متخيل في وقت من الأوقات إن المشروع ده ممكن يحصل في مصر وبالسرعة دي.. ايه حكاية المشروع ده وليه مصر نفذته وبنتفذه دلوقتي وإزاي هيخلي مصر سادس دولة في العالم في القطاع ده.
أي حد هيدخل على جوجل ويكتب عدد المشاريع اللي اتنفذت في عهد السيسي مش هيصدق الكم الكبير ده اتعمل في حوالي 10 سنين وبالسرعة دي وفي كل المجالات وأغلبها مشروعات عملاقة منها الطرق والكباري والمحاور واستصلاح ملايين الأفدنة في الصحراء ومحطات الكهرباء والمياه والمدن الجديدة والاسكان الذكي والتعدين والصناعة والمواني واللوجستيات وخطوط التجارة الدولية والتعهيد والشمول المالي والتأمين الصحي والتعليم وغيرها.
لكن حجم الانجاز اللي تم في قطاع النقل الذكي في مصر غير مسبوق في تاريخها من أيام الفراعنة ومصر دلوقتي لو مش متابع بتعمل أكبر وأضخم شبكة سكة حديد ذكية في العالم ودلوقتي فيه اختبار للقطار الكهربائي السريع ، بعد انتهاء تصنيعه بألمانيا، والمقرر تشغيله على شبكة القطارات السريعة الجارى تنفيذها واللي بتوصل سرعتها لـ250 كم في الساعة، وتم اختبار القطار الكهربائى فائق السرعة ضمن قطارات الخط الأول للقطار الكهربائى السريع "العين السخنة – مطروح" .
وشركة سيمنز العالمية اللألمانية هي الل بتصنع القطارات المقرر تشغيلها على شبكة قطارات فائقة السرعة بيجرى تنفيذها في مصر بطول 2000 كم تمتد على 3 خطوط وهيتم إضافة خط رابع ليها في أخر مرحلة، وبيجرى دلوقتي العمل بالتوازى في إنشاء الخطين الأول والتاني في نفس الوقت ومن المتوقع أن يتم تشغيل الخط الأول سنة 2026.
وبعد الانتهاء من انشاء شبكة قطارات مصر فائقة السرعة بطول 2000 كيلو متر، هيبقى مصر عندها سادس أكبر نظام سكة حديد فائق السرعة في العالم، والشبكة النقل الذكية دي بتضم 3 أنواع من القطارات وهى قطار فائق السرعة اسمه فيلارو، وقطار اقليمى سرعته 160 كم واسمه "ديسيرو" وقطار بضايع سرعته 120 كم،
والمفاجأة إن مص استلمت فعلا أول قطار إقليمى ضمن القطارات المقرر تشغيلها فى الخط الأول، وجارى تصنيع القطارات الإقليمية والسريعة وفقا للجدول المخطط ووفقا للسرعات التصميمية والتشغيلية للقطارات اللي تم الاتفاق عليها، مع الشركة المصنعة.
الخط الأول للقطار السريع والمعروف باسم "الخط الأخضر" وبيضم محطات (العين السخنة ــ العلمين الجديدة ــ مرسى مطروح)، وبيوصل طوله 675 كيلو متر، وبيشمل 22 محطة، منها 10 محطات للقطار السريع و12 محطات إقليمية، وهي (العين السخنة ــ العاصمة الإدارية ــ محمد نجيب - القاهرة ــ جنوب الجيزة -" تفريعة للعياط - الفيوم بنى سويف"ــ حدائق أكتوبر ــ 6 أكتوبر ــ سفنكس ــ السادات ــ وادى النطرون ــ النوبارية ــ الإسكندرية ــ برج العرب ــ العامرية ــ الحمام ــ العلمين ــ سيدى عبدالرحمن ــ الضبعة ــ سوان ليك ــ رأس الحكمة ــ ألماظة باى ــ مطروح).
وبالنسبة لعدد محطات الخط التانى فبتوصل 36 محطة بواقع 10محطات للقطارات السريعة هى (الفيوم / بنى سويف – المنيا – اسيوط – سوهاج - قنا- الأقصر - ادفو -مطار أسوان – توشكى – أبوسمبل )، و26 محطة للقطارات الإقليمية وهى ( العياط – الفشن – العدوة - بنى مزار – سمالوط-– أبو قرقاص – ملوى – ديروط – القوصية – منفلوط – أبوتيج – الغنايم – طهطا – جهينة – ابيدوس - فرشوط – نجع حمادى – دشنا- قوص -ارمنت-اسنا - السباعية – كلابشة – دراو – أسوان الجديدة -ميدكوم) والخط ده تحديدا بيلتقي فى محطة حدائق أكتوبر بالخط الأول وفى محطة قنا بالخط التالت.
الخط التانى من شبكة القطارات السريعة بيمر بالتوازى مع مسار الطريق الصحراوى الغربى بمحافظات الصعيد، وبيضم كمان مركز للتحكم والسيطرة، وورشة لأعمال العمرة الرئيسية والجسيمة، بالإضافة إلى 2 نقطة للصيانة والتخزين فى مناطق (أسوان – أبو سمبل – سفاجا).
كل ده ضمن أكبر مشروع نقل ذكي ماشي على السكة الحديد في افريقيا والشرق الأوسط وأفريقيا والسادس في العالم وأهميته إنه ماشي في قلب الصحرا وهيخلق مجتمعات جديدة وبكر ومصر تانية في قلب الرمل وهيكور محور تنمية في كل القطاعات وهيساعد كمان في هجرة المواطنين للأماكن الجديدة.