لو واخد قرض … إزاي تحمي نفسك من دخول “البلاك ليست” ؟

هي ايه القايمة السودا فى البنوك؟ وازاى تحمي نفسك من دخولها ؟ وايه الحاجات اللى ممكن تحصل لو اتطيت فى قايمة البلاك ليست؟

لو بتتعامل مع بنوك أو بتتابع اللى بيحصل فى القطاع المصرفي فأكيد سمعت مصطلح “البلاك ليست” أو القايمة السودا للعملاء .. والقايمة سودا دي عبارة عن قايمة بيتم فيها ادراج العملاء غير المنتظمين فى سداد التزاماتهم ناحية البنوك اللى بيتعاملوا معاها يعنى مثلا واحد واخد قرض وشهر يدفع و5 لا .. حد خد قرض وهرب وما سددش وهكذا

والعملاء دول بينقسموا الى عدة أقسام يعنى عنندك مثلا عملاء يحظر على البنوك التعامل معهم نهائيا  وده بيطلق عليه حظر تعامل مطلق  وعملاء تانيين يحظر التعامل معهم إلا بعد الحصول على موافقة كتابية من البنوك الدائنة وده بيطلق عليه حظر تعامل مشروط  وعملاء قاموا بالسداد وتظل بياناتهم موجودة على السيستم كمعلومة تاريخية  

وفيه حاجة اسمها التقييم الرقمى للعميل وده التقرير الوارد بالتقرير الائتمانى للعميل من شركة  I Score  والتقييم ده بيكون  مؤشر يعكس الموقف الائتمانى للعميل ويتم احتسابه بطرق احصائية متطورة أخذاً فى الاعتبار عوامل زي الدخل , السن , الحالة الاجتماعية , مدى

التزامه فى السداد … الخ , وبيعكس التقييم الرقمى درجة المخاطرة للعميل وكلما زادت درجة التقييم الرقمى للعميل كلما اعتبر العميل ذو درجة مخاطر منخفضة والعكس صحيح .

طب ازاى تحمي نفسك من دخول البلاك ليست ؟

فيه عدد من الخطوات يجب على أصحاب القروض اتخاذها لضمان عدم الإدراج في القائمة السلبية للبنك المركزي للأفراد أو الشركات.

أهمها الالتزام بسداد الأقساط في الموعد المحدد حيث لتجنب التأخير في السداد اللى ممكن يؤدي إلى الإدراج في القائمة السلبية مع تقديم جميع المستندات المطلوبة بشكل كامل ودقيق بما فيها الإيرادات والضمانات والمعلومات المالية التانية .

وعدم الإقبال على الاقتراض أكثر من الحد اللى تسمح بيه قدرتك المالية والحرص على سداد الأقساط في مواعيدها ومن المهم مراجعة تقرير الاستعلام الائتماني بشكل دوري والتأكد من صحة المعلومات الواردة فيه.

وفي حال مواجهة أي مشكلة في السداد أو الحصول على التمويل لازم الاتصال بالبنك على الفور لمناقشة الحل.

وفيه كمان  بعض الإجراءات الإضافية اللى ممكن اتخاذها للحفاظ على السجل الائتماني نظيف للحفاظ على إدارة الديون بشكل جيد منها تحديد أولويات السداد والسداد المنتظم للفواتير والأقساط. و الحفاظ على استخدام الائتمان ضمن الحدود الموصى بها مع  تنويع مصادر الائتمان «قروض، بطاقات ائتمانية، وغيره».