جهز ورقك بعد العيد هتقبض باليورو ..فرص للسفر
![اليورو]( /UploadCache/libfiles/5/5/600x338o/808.jpg)
السفر والعمل بالخارج حل من حلول كتيرة لتحسين الدخل ومواجهة ظروف الحياة وفيه دول كتير بتطلب عمالة بمرتبات كبيرة وبتقدم فرص للشباب المصري.. بانكير هيقولك تسافر فين وهتقبض كام في الفيديو ده.. خليكم معانا للآخر عشان تعرف التفاصيل.
سوق العمل بالخارج مفتوح لآلاف المصريين اللي بيفكروت يسافرو ويبدأو حياة جديدة والعمل برواتب مجزية في مجموعة متنوعة من المجالات، مع توفير تأشيرات ميسرة لسد احتياجاتها للعمالة وفيه اربع دول دلوقتي طالبة عمالة مصرية بكثافة هنقولك عليها.
أول دولة هي اليونان ودي قريبة مننا جدا وده بعد إعلان وزارة الهجرة اليونانية عن قرارها استقطاب عمال مصريين للعمل في قطاع الزراعة خلال فصل الصيف، وده في إطار اتفاقية تم التوصل إليها بين مصر واليونان لتعزيز القوى العاملة ومواجهة نقص العمالة
وبتشمل الاتفاقية الموقعة في 2022 استقبال اليونان لنحو 5000 عامل موسمي في مجال الزراعة، ووفقًا لوزارة الهجرة المصرية، هيتم دفع رواتب تصل إلى 1140يورو شهريًا للعمال الزراعيين المصريين في اليونان، ما يعادل تقريبًا 60 ألف جنيه مصري في الشهر ودي سفرية أمان لأنها تحت إشراف الدولة.
تاني دولة عاوزة عمالة مصرية هي كندا واللي بتسعة لجذب العمال المهرة من جميع أنحاء العالم، بما فيها مصر، من خلال فتح أبواب الهجرة بتأشيرات مجانية وهتقدم الحكومة الكندية مزايا كتير للعمالة المصرية منها تغطية تكاليف السفر والإقامة لفترة تصل إلى عام واحد. مساعدة في البحث عن سكن مناسب في كندا. و دعم في التسجيل في برامج تعليمية أو تدريبية ومساعدة في التكيف والاستقرار في المجتمع الكندي.
ويقدر اي حد عاوز يسافر أو يقدم في برنامج الهجرة الريفية والشمالية في كندا الحصول على المعلومات اللازمة وتقديم طلباتهم عبر زيارة الموقع الإلكتروني الرسمي للحكومة الكندية.
الدولة التالتة اللي بتدور على عمالة مصرية مدربة هي إيطاليا واللي قررت السماح لسكان الدول خارج الاتحاد الأوروبي بالحصول على "تأشيرة البدو الرقمية"، مما يتيح للعمال العيش والعمل في مدنها لمدة تصل إلى سنة
وبحسب صحيفة "ديلي ميل" البريطانية شهدت عمليات البحث عن تأشيرة البدو الرقمية لإيطاليا زيادة كبيرة على جوجل وخاصة من المصريين لأن السوق الايطالي متعود على العمالة المصرية واللي عملت سمعة كويسة جدا هناك في السنين اللي عدت
كمان لو بتدور على فرصة عمل وزارة العمل في السعودية أعلنت عن آخر موعد لتسليم الأوراق والمستندات اللازمة للحصول على فرص عمل في المملكة، مع تحديد حد أدنى وحد أقصى للرواتب الشهرية المعروضة للوظائف المتاحة.
والسعودية حددت التخصصات المطلوبة في فرص العمل منها المجالات الطبيبة في تخصصات أمراض الجلد وتجميله، وأطباء تقويم الأسنان بخلاف العمالة العادية