كنوز دهب.. ضربة قاضية للدولار.. شوف اللي حصل

 أرض مصر مليانة خير كتير لسه بيطلع.. ايه اللي حصل في الساعات الأخيرة وإزاي الدهب المصري هيضرب الدولار وليه الحكومة قررت تفتح ملف الدهب اللي تحت الأرض دلوقتي 
 
من شوية رئيس الحكومة الدكتور مصطفى مدبولي اتكلم عن ملف الدهب في مصر واللي مايعرفش مصر فيها اكتر من 270 موقع لإنتاج الدهب، من بينها  120 موقع ومنجم معروفين تم استخراج المعدن الأصفر منهم قديما وده غير الاكتشافات الجديدة والضخمة واللي لتظهر مع تقدم تكنولوجيا التنقيب عن كنوز الدهب تحت الارض وفي الجبال.. المهم الدكتور مدبولي اتكلم عن تطوير صناديق الاستثمار في الدهب وتنظيم الاستثمار فيها عشان المصريين يعرفوا قواعد الاستثمار الآمن في المعدن الأصفر وفق قواعد وآليات معروفة للسوق بدل الاستثمار بشكل فردي في الدهب.
اللي قاله مدبولي مهم جداً لأنه هيساعد في خروج مليارات الجنيهات من الفلوس تحت البلاطة والفلوس الزيادة اللي عند المواطنين بخلاف أموال المدخرات واستثمارها بشكل سليم وده هيخلق رواج كبير جدا في سوق الدهب..
لسه الكلام عن كنوز مصر مخلصش.. و النهاردة مثلاالمهندس طارق الملا، وزير البترول والثروة المعدنية، اليوم الثلاثاء، كان حاضر في الجمعية التأسيسية لشركة مناجم دهب أبومروات وكان شاهد على تحول نوعي في سوق الدهب المصري وتأسيس شركة جديدة مشتركة بين الهيئة المصرية العامة للثروة المعدنية وشركة أتون مايننج إنك الكندية ودي شركة عالمية في مجالها وليها استثمارات ضخمة في مصر.

تأسيس شركة مناجم الدهب الجديدة خطوة مهمة في توسيع عمليات  الاستكشاف والاستغلال للدهب في منطقة أبومروات بالصحراء الشرقية واللي بتستثمر فيها الشركة الكندية في البحث عن الكنوز من الدهب والمعادن واستغلالها كمان تأسيس الشركة الجديدة هيكون بداية لأعمال استغلال الكشف التجاري الكبير للدهب واللي حققته الشركة فى مناطق حمامة وغرب روودرين ضمن امتياز أبومروات، واللي بتقدر مساحته بحوالى 57.6 كم مربع ودي مساحة ضخمة جدا وبيقدر حجم الاحتياطيات القابلة للاستخراج من الدهب فيها بحوالي 134.9 ألف أوقية دهب و1.4 مليون أوقية فضة والأرقام دي بتورينا قد ايه الاكتشاف ده مهم جدا وجي في وقته.
طيب ايه علاقة الدهب بالدولار.. شوف حضرتك الجماعة بتوع الاقتصاد والبنوك المركزية بيعرفو الدهب ضمن العملات وبيتعاملوا معاه على إنه دولار وعشان كده بيدخل ضمن الاحتياطيات النقدية للبنوك المركزية وفي مصر البنك المركزي عنده احتياطي دهب نقدي بحوالي  9 مليار دولار لغاية شهر مارس 2024 وطبيعي اي زيادة في مخزون الدهب المصري بتعني زيادة في حجم الاحتياطي النقدي من الدولار ومع إضافة الاكتشافات الجديدة من الدهب للاحتياطيات النقدية سعر الدولار هينزل بشكل كبير.