بعد الكهربا ورغيف العيش؟.. إيه الى هيحصل فى أسعار الأدوية؟

يا ترى ايه اللى هيحصل لأسعار الأدوية فى مصر؟ وايه نسب الزيادات المقترحة خصوصا لأدوية الأمراض المزمنة؟ وليه شركات انتاج الدواءموقفة الانتاجمن فترة ؟وهل الحكومة هتستجيب للضغوط اللى بتمارس عليها من المصنعين؟

رغم ان الفترة اللى فاتت شهدت زيادات كبيرة في أسعار الأدوية تجاوزت 50% لبعض الأصناف على خلفية ارتفاع سعر الدولار ومستلزمات الإنتاج الا أن المنتجين والمصنعين للأدوية لسه بيطمحوا إلى زيادة أسعار 700 مستحضر دوائي تاني.

وجاءت الزيادات السابقة بناء على موافقة هيئة الدواء المصرية اللي حددت سعرين لكل منتج دوائي الأول للتصدير ةالتالنى سعر محلي تحت اسم “برنامج دعم المريض المصري”، وطبعا الأخير أقل بنسبة كبيرة عن سعر الأدوية اللى بيتم تصديرها.

وفى الأيام اللى فاتت ومع اتجاه الحكومة لتحريك عدد من السلع المدعمة والخدمات زي رغيف العيش والكهرباء والبنزين والسولار اتقدم عدد من الشركات إلى هيئة الدواء بطلبات لتحريك أسعار أكثر من 700 مستحضر دوائي بسبب ارتفاع سعر الدولار مقابل الجنيه بالقطاع المصرفي.

وفي السادس من مارس اللى فات سمح البنك المركزي المصري بخفض قيمة العملة المحلية، من مستويات دون الـ31 جنيه ليتحرك بين 47 و48 جنيه حاليا.. وطبعا فيه فرق تكلفة كبير بعد التحريك اللى حصل فى السعر الرسمي للعملة الأمريكية

وأرفقت الشركات مع طلباتها مستندات وفواتير لتوضيح حجم زيادة أعباء وتكاليف الإنتاج خلال الفترة اللى فاتت وقالت ان ده بيحتم ،  ضرورة مراجعة أسعار الدواء للحفاظ على هوامش ربحية الشركات خصوا ان 90% من مستلزمات الإنتاج بيتم استيرادها من الخارج وسداد سعرها بالدولار

الشركات قالت فى طلبها ان الموضوع مش مقتصر على  المواد الخام في الأدوية وتكلفة إنتاجها بس لكن كمان فى مواد التغليف زي الأوراق والعلبة اللي بيتحط فيها الدواء وغيرهاواللى زادت خلال الفترة الخيرة  ورغم كده أسعار الأدوية ما زادتاش خالص

وفى تصريحات أخيرة ليه كشف المتحدث الرسمي باسم مجلس الوزراء محمد الحمصاني، أن زيادة أسعار الأدوية تتم وفقا لآلية واضحة تتضمن عوامل وخطوات وبيتم العمل على تغطية الحد الأدنى للتكلفة في المصانع وقال ان  الحكومة مستمرة في الإفراج عن مستلزمات الإنتاج للأدوي وتغطية احتياجات المواطن في مجال الدواء من خلال التأمين الصحي.

وتضمن مشروع موازنة العام المالي 2024-2025 مخصصات لدعم الأدوية وألبان الأطفال بقيمة 5 مليار جنيه.

وشهدت مبيعات سوق الدواء في مصر ارتفاع بشكل كبير خلال آخر 6 سنين وقفزت من 63 مليار جنيه في 2018 إلى 142.5 مليار جنيه خلال 2023.

وبتمتلك مصر نحو 191 مصنع مرخص للأدوية لديها 799 خط إنتاج، بحسب هيئة الدواء، وبتغطي  المصانع دي نحو 92% من حجم احتياجات السوق المحلية، بينما يتم استيراد نسبة الـ8% المتبقية من الخارج.