شوف المفيد في موضوع الأسعار الجديدة لشرائح الكهربا.. ومعاد الزيادات الجديدة
![عددات الكهرباء]( /UploadCache/libfiles/5/5/600x338o/456.jpg)
كلام كتير منتشر في السويشال ميديا وعلي المواقع الإخبارية عن الزيادات الجديدة في اسعار شراي الكهرباء وموعد تطبيقها.. ونسبة الزيادة الجديدة هتكون كام.. لو عايز تعرف كل ده شوف الفيديو ده للأخر.
من فترة قريبة والقيادة السياسية اعلنت عن تطبيق خطة لرفع الدعم عن قطاعات الكهرباء والبترول، وحاليا الوزارتين دول بيستعدوا لتطبيق زيادات جديدة في اسعار المواد البترولية واسعار شرائح الكهرباء.
في غضون اسابيع قليلة وتحديدا مع نهاية شهر يونيو الجاري، وزارة الكهرباء والطاقة المتجددة هتعلن عن انتهاء الخطة الحالية لاسعار الشرائح اللي شغالين بيها دلوقتي، وهتبدأ من أول شهر يوليو اللي جاي تطبيق اسعار جديدة لشرائح الكهرباء للقطاعين المنزلي والتجاري.
طيب هيا اسعار الكهرباء للقطاعين المنزلي والتجاري بتوصل لكام دلوقتي ؟.
لحد اللحظة اللي احنا مع حضراتكم فيها دلوقتي، الدولة لسه مستمرة في تطبيق اسعار شرائح الكهرباء اللي اعلنت عنها في شهر يناير اللي فات واللي بتوصل فيها أسعار شرائح الكهرباء للقطاع المنزلي من 58 قرش للشريحة الاولي من صفر الي 50 كيلو وات، وبتوصل لـ 68 قرش للشريحة الثانية من 51 الي 100 كيلو وات، وبتوصل 83 قرش للشريحة الثالثة من صفر الي 200 كيلو وات وبتوصل إلي 125 قرش للشريحة الرابعة من 101 إلى 350 كيلو وات وبتوصل الي 140 قرش للشريحة الخامسة من 351 إلى 650 كيلو وات ، وبتوصل الي 150 قرشل للشريحة السادسة من صفر إلى 1000 كيلو وات وبتوصل الي 165 قرش للشريحة السابعة من صفر إلى أكثر من 1000 كيلو وات.
ده بالنسبة للقطاع المنزلي، أما عن اسعار الكهرباء للقطاع التجاري فيوصل الي الي 65 قرش للشريحة الأولي من صفر إلى 100 كيلو وات، و 136 قرش للشريحة الثانية من 101 إلى 250 كيلو وات، و 150 قرش للشريحة الثالثة من صفر إلى 250 كيلو وات، و 165 قرش للشريحة الرابعة من 601 كيلو وات إلى 1000 كيلو وات، و 180 قرش للشريحة الخامسة من صفر إلى اكثر من 1000 كيلو وات.
طيب اية هيا اخبار الزيادات الجديدة اللي هتقرها الدولة علي شرايح الكهرباء؟.
الخطة الحالية لتسعير شرايح الكهرباء هتنتهي مع اخر يوم من شهر يونيو الجاري، ومن اول يوم في شهر يوليو اللي جاي الدولة هتبدأ تطبيق اسعار جديدة لشرايح الكهرباء، والاسعار دي الشركة القابضة لكهرباء مصر انتهت من اقرارها وتم رفعها لمجلس الوزراء للموافقة عليها، وبعد كده وزير الكهرباء والطاقة المتجددة هيعلن عنها في مؤتمر صحفي كبير وهيكون في الإعلان الكامل عن خطة رفع الدعم عن شرائح الكهرباء والفترة اللي هتستغرقها الوزارة لحد الوصول الي انتهاء الدعم علي شرائح الكهرباء وهتكون الشرائح بسعر التكلفة .