زي ماقال بانكير.. الدهب مش هيجببها لبر.. شوف المفاجأة الجديدة
قلنا كتير الدهب طالع مش نازل ولسه هيزيد ويوصل مستويات قياسية وانخفاض الأسعار بيبقي وقتي وحلاوة روح للصاغة.. ايه اللي بيحصل في سوق الدهب وإيه اللي لسه هيحصل وإيه هي المفاجأة المنتظرة شوف كل التفاصيل في التقرير التالي.
فاكرين لما اتكلمنا على مصير اسعار الدهب في أكتر من فيديو هنا في بانكير وقلنا ياجماعة الدهب طالع مش نازل ورايح لفوق مش جاي وقلنا ساعتها ولسه بنقول إن الشهور اللي فاضلة في 2024 و2025 كلها هي فترة وزمن الدهب واللي هيوصل لأرقام قياسية في الاسعار.
بنفكركم بالاسباب اللي هتخلي الدهب يرفع أكتر اولها توقعات خفض المجلس الاحتياطي الفدرالي المنتظر لأسعار الفايدة واللي بترفع سعر الدهب مباشرة وكمان حجم الطلب العالمي الكبير على الدهب واللي بتلجأ ليه البنوك المركزية الدولية عشان تحتاط بيه من الأزمات الدولية والتوترات والعقوبات وفي نفس الوقت تحافظ على قيمة الاحتياطي النقدي بتاعاها من اثار خفض سعر الفايدة.
المفاجأة إن أسعار الدهب في مصر ارتفعت بنسبة 1.6 %، خلال شهر مايو، حسب بياانات منصة أي صاغة الشهيرة والمختصة بعرض أسعار المعدن الأصفر وتحليل السوق والتوقعات وفي نفس الوقت زادت أسعار الدهب بالبورصة العالمية بنسبة 1.8%، بعد ما سيطرت حالة من الضبابية وانعدام الرؤية على توجهات السياسية النقدية للفيدرالي الأمريكي حول مصير أسعار الفايدة زي ماقلنا.
وقالت إي صاغة نفس الكلام اللي قلناها من فترة كبيرة إن التوترات الجبوسياسية ومشتريات البنوك كانت السبب في تعزيز الطلب على الدهب، ودفعت أسعار المعدن الأصفر لمستويات تاريخية، وزاد من قوته أمام الدولار والسندات الأمريكية، والنتجة سعر الأوقية وصلت لأعلى مستوياتها على الإطلاق في الـ 20 من مايو.
وقالت المنصة إن أسعار الدهب زادت بقيمة 50 جنيهًا خلال مايو اللي فات وافتتح سعر جرام الذهب عيار 21 التعاملات عند مستوى 3055، ولامس مستوى 3200 جنيه، واختتم التعاملات عند مستوى 3105 جنيهات.
وعالميا واصلت الأسعار حالة الصعود وصلت سعر الأوقية لاعلى مستوى على الإطلاق عند مستوى 2451 دولارًا .. الخلاصة إن كل الأمور والمؤشرات بتقول الدهب في الطالع وعشان كده ده الوقت المناسب لو بتفكر تستثمر فلوسك أو مدخراتك بعيد عن المغامرة وتقدر تشتري دلوقتي قبل العاصفة ما تيجي وفي نفس الوقت هتضمن تلاقي مكسب كبير جدا لما تيجي تبيع لأن ساعتها الأسعار هتكون ضربت في السما
