رقم خرافي لا يصدق.. المصريين سلموا كام مليار دولار للبنوك؟

يا ترى حجم التنازللات عن الدولار فى البنوك وشركات الصارفة وصل كام من يوم تحرير سعر الصرف ولحد دلوقتي؟ والحصيلة الدولارية دي برتوح فين؟ وهل كده خلاص انتهى زمن السوق السودا للعملة ولا ممكن ترجع تاني؟ وايه الاجراءات اللى خدها المركزي واعادت الثقة من جديد فى القطاع المصرفي؟

فى الوقت اللى بتشهد فيه  سوق الصرف حالة من الاستقرار، كشفت بيانات حديثة أن حجم التنازلات الدولارية اللي دخلت البنوك ومكاتب الصرافة العاملة في السوق من أول خفض قيمة الجنيه مقابل الدولار في 6 مارس اللى فات ولغاية دلوقتي من خلال الأفراد والشركات، بلغت حوالى 3 مليار دولار.

وأكدت مصادر مطلعة أن حجم تحويلات المصريين العاملين في الخارج خلال الفترة المذكورة متضمنة حصيلة مبادرة استيراد السيارات لاستخدام الشخصي بلغ نحو 7 مليارات دولار.

يعنى بنتكلم فى 10 مليار دولار دخلوا خزين البنك المركزي فى أقل من 3 شهور والرقم ده مرشح للتضاعف خلال فترة قليلة جدا لو فضلت معدلات التنازل زي ما هي دلوقتي

ومن  أيام قدرت وكالة "فيتش" للتصنيف الائتماني، التدفقات اللي تلقتها مصر من الأجانب بحوالى 20 مليار دولار من يوم التعويم الأخير في 6 مارس بخلاف صفقة رأس الحكمة.

وحسب بيانات البورصة المصرية بلغ صافي مشتريات الأجانب في أدوات الدين الحكومي حتى منتصف مايو حوالى 16 مليار دولار.

وأكدت وكالة  "فيتش"، إن مستويات السيولة بالعملة الأجنبية لدى البنوك تحسنت مع انخفاض عجز صافي الأصول الأجنبية إلى 2.8 مليار دولار بنهاية مارس بدعم من تدفقات رأس الحكمة والتحويلات وعودة تدفقات الأجانب للسوق المحلي.

ورجحت الوكالة عودة مركز صافي الأصول الأجنبية لتحقيق فائض في نهاية النص الأول من 2024  بعد استكمال الحصول على الدفعة التانية من رأس الحكمة وتعافي التحويلات وإيرادات السياحة.

ورفعت "فيتش" رؤيتها المستقبلية لأربع بنوك مصرية بعد رفعها الرؤية المستقبلية لمصر وسط توقعات بمزيد من التدفقات الدولارية خلال الفترة الجاية مع بدء تنفيذ صفقات جديدة فى ملف الطروحات الحكومية