كنز دولارات من صادرات لبس العيد.. شوف إيه الحكاية
![صورة ارشيفية]( /UploadCache/libfiles/5/5/600x338o/246.jpg)
لبس العيد واحد من اهم الحاجات اللي كل الاسر بتحرص عليها خصوصا في مواسم الاعياد، وصعب جدا العيد يعدي بدون لبس جديد.. وفي حاجة التجار عملها هتخفض اسعار اللبس عندنا بدرجة كبيرة وهتخلي كل الناس تشتري لبس جديد للعيد بكل ارحيه وبدون اي تكاليف اضافية .. يا تري اية هيا الحاجة دي.. ومعدل تصدير الملابس المصرية لدول العالم وصل لكام
مواسم الاعياد واحدة من اهم المواسم اللي اغلب الناس بتشتري فيها لبس جديد، ولكن مع الظروف الاقتصادية الصعبة اللي بيمر بيها اغلب الاسر المصرية خصوصا اللي عنده 5 او 6 عيال بقت الأمور صعبة عليهم شوية في شراء كل مستلزمات عيالهم من اللبس خصوصا ان اسعار اللبس في مصر وصلت لارقام كبيرة جدا .
الارتفاع الكبير اللي حصل في اسعار اللبس في مصر في الكام شهر اللي فاتوا كان السبب الاساسي فيه هو التغير اللي بيحصل في اسعار صرف العملات الأجنبية دام الجنية المصري خصوصا كل التجار عندنا مصر كانوا بيربطوا اسعار كل حاجة في مصر بسعر الدولار، سواء كان داخل فيها منتج اجنبي او لا.
بعد الاستقرار اللي حصل في اسعار صرف العملات الاجنبية قدام الجنية رجعت اغلب اسعار السلع في مصر لوضعها الطبيعي وواحدة من الاسعار دي هو اسعار الملابس عندنا هنا في مصر، وحاليا التجار بيدوا يرجعوا حاجة كانت شبه اختفت من الاسواق لتشجيع الناس علي الشراء بسبب حالة الركود الموجودة في الاسواق وهي التعامل بالنظام الآجل في عمليات البيع بالجملة، واللي كانت اختفت بسب اضطراب سعر العملة بسبب استمرار صعود الدولار في مصر.
طيب اية اللي بيحصل في سوق الملابس في مصر؟.
شعبة الملابس الجاهزة بغرفة القاهرة التجارية، قالت أن المبيعات في مصر بتشهد حاليا حالة من الهدوء، وتوقعت حدوث نشاط في حركة ابليع في فترة ما قبل عيد الأضحى المبارك خصوصا ان سوق الملابس شهد دخول استثمارات جديدة من بعض الدول وعلى رأسها تركيا واللي هيكون لها انعكاس إيجابي على توافر انواع مختلفة من البراندات في السوق المصري وهيكون واحدة من محفزات زيادة التصدير للخارج.
شعبة الملابس الجاهزة بغرفة القاهرة التجارية قالت كمان أن مصر عندها زخم في صناعة الملابس المتطورة للغاية وحاليا بتصدر لأكبر دول أوروبا وأمريكا وعندها أنتاج كبير علي أحدث طرازات الموضة فى العالم من ناحية الطباعة والأقمشة ونوعيتها والتصميمات .
شعبة الملابس الجاهزة قال كمان أن صادرات الملابس حققت زيادة بنسبة 25% مع بداية العام الجاري، ودي بداية مشجعة لصادرات الملابس ووصلت قيمة صادرات الملابس 464 مليون دولار، وان قطاع الملابس بيستهدف زيادة سنوية تتراوح بين 20% و30% مقارنة بالسنة اللي فاتت، وأن الولايات المتحدة هيا أكبر مستورد للملابس الجاهزة من مصر.
الشعبة قالت كمان صادرات الملابس من مصر إلى الولايات المتحدة زادت بقيمة 187 مليون دولار في أول شهرين من 2024، ده غير الزيادة اللي حصلت في التصدير للدول الأوروبية واللي صولت لـ 107 مليون دولار، وده غير الزيادة في قيمة صادرات الملابس لتركيا واللي وصلت لـ36 مليون دولار .