بعد ما تقرا هذا التقرير اجري على الصاغة واشتري دهب.. شوف اللي هبيحصل في الصاغة

هو الدهب رايح على فين وهل فعلا أسعاره هتزيد الأيام الجاية وإيه القرار اللي مستنيه سوق الدهب على مستوى العالم.. وإيه أفضل وقت تشتري فيه دهب وليه بنقولك أوعى تبيع دلوقتي شوف الفيديو للاخر وهتعرف بنفسك التفاصيل
 

لو متابع سوق الدهب أكيد هتحتار وتسأل نفسك الأسعار رايحة على فين في الأيام الجاية وهل تشتري ولا تبيع ولاتستني... شوف هنجاوب على كل أسئلتك بس في الأول هنقولك نصيحة لا تقدر بتمن وهي إنك بعد ما تشوف الفيديو ده اجري على الصاغة واشتري اللي تقدر عليه من الدهب سبايك أو مشغولات ومش هتندم وتعالي نقولك ليه.
أسعار الدهب في العالم كله مش في مصر بتشهد حالة ارتباك شديدة بسبب التوسعار الدهب في العالم كله مش في مصر بتشهد حالة ارتباك شديدة بسبب التوترات اللي بتزيد كل شوية في مناطق مختلفة وده غير الخناقة الكبير بين الروس والصينيين مع الأميركيين على التجارة والعقوبات ومصادرة الأصول وحصار البنوك وده خلي البنوك المركزية في العالم تسجل ارقام قياسية في شراء الدهب والسحب من السوق وده رفع أسعار المعدن النفيس في العالم كله.
طيب التوقعات بتقول إيه.. شوف يافندم لو مهتم بالاستثمار في الدهب فبنقولك إن ده الوقت المناسب لأن كل التوقعات العالمية بتقول إن هيكون فيه قفزة في الأسعار والأونصة هتعدي الـ3 الاف دولار على أخر السنة من حوالي 2400 دولار دلوقتي ولسه كمان أسواق العالم كله بتترقب قرار الفدرالي الأميريكي واللي قرب يدخل مرحلة تخفيض سعر الفايدة وده قرار هيعمل انقلاب في أسواق الدهب العالمية لأن تخفيض الفايدة معناه زيادة الطلب على المعدن الأصفر وكل العوامل دي بقي هي اللي هتقود الأسعار للارتفاع في الأيام والشهور اللي جاية.
في مصر نفس الخوف موجود لأن الأسواق كلها مرتبطة ببعض ومفيش حد هيقدر يفلت من موجة الأسعار الجاية في سوق الدهب بسبب ارتباطه عالميا بالدولار وده غير زيادة الطلب عليه في مصر كمان في الفترات الجاية بسبب توقعات لجؤء البنك المركزي المصري لخفض سعر الفايدة في الاجتماعات الجاية  بسبب استمرار انخفاض معدلات التضخم وده معناه إن أصحاب الفلوس والمدخرات هيتحولو للاسثتمار في الدهب بشكل واسع جدا.
عشان كل اللي قلنا عليه يبقي لازم نكون عارفين إن الأسعار رايحة في اتجاه الصعود المستمر وبالتالي ده أنسب وقت للشراء وتخزين الدهب وطبعا مفيش حد عاقل هيكون معاه دهب ويروح يبيعه دلوقتي لانه بيهدر مكسب أكيد جايله في الطريق.