عاوز تعرف الدهب رايح على فين .. مفاجأة قبل نهاية 2024
![الذهب]( /UploadCache/libfiles/5/5/600x338o/121.jpg)
هو الدهب رايح على فين الأيام الجاية ؟ وسعر الجرام ممكن يوصل كام على نهاية 2024 ؟ وايه علاقة اللى هيحصل فى سوق الدهب بقرارات الفيدرالى فى الشهور الجاية ؟ وهل الافضل تشترى دهب دلوقتى ولا تصبر شوية؟
الناس فى العالم كله مشغولة بمعرفة مستقبل مصير الدهب وايه اللى ممكن يحصل للمعدن النفيس قبل نهاية السنة دي وكمان التوقعات بتقول ايه للسنة الجاية.. فى ظل اهتمام كبير وغير مسبوق من البنوك المركزية بشراء كميات كبيرة جدا من الدهب وتخزينها وزيادة نسبة الدهب فى الاحتياطات النقدية فى أكتر من بنك مركزي حول العالم.. وده اللى خلا المراكز البحثية فى البنوك وفى كتير من المؤسسات المالية تهتم برصد التوقعات المستقبلية للمعدن النفيس
ورفع بنك يو بي إس توقعاته لأسعار الدهب وتوقع وصول سعر الأونصة إلى 2,600 دولار بحلول نهاية 2024 مرتفعًا عن الهدف السابق البالغ 2,500 دولار للأوقية.
وبتأتي التوقعات الجديدة بعد ما سجل الدهب مستوى قياسي مرتفع بلغ 2,450 دولار للأوقية في 20 مايو مدفوع بنمو التوقعات بخفض الاحتياطي الفيدرالي لأسعار الفائدة وضعف الدولار وسط بيانات اقتصادية أمريكية ضعيفة وكلام ان الفيدرالى هيبدأ تنفيذ أول خفض للفايدة فى اجتماع سبتمبر الجاي
التوقعات المعدلة لبنك يو بي إس إلى بتشير ل 3 عوامل رئيسية أولها أن البيانات الأمريكية الضعيفة في أبريل أدت إلى إعادة تسعير توقعات خفض أسعار الفائدة من قبل الاحتياطي الفيدرالي وبناء عليه هتقوم أسواق المال حاليا بتسعير خفض بمقدار 40 نقطة أساس للتيسير النقدي في 2024، مقارنة ب 28 نقطة أساس في نهاية أبريل.
وعادةً ما تؤدي أسعار الفائدة المنخفضة إلى تعزيز أسعار الذهب من خلال زيادة تدفقات صناديق الاستثمار المتداولة.
وتانى عامل زيادة اللطلب من البنوك المركزية على الدهب والتوقعات بتقول ان البنوك المركزية هتشترى فى 2024 ما يقرب من 1000 طن مقارنة ب 800 طن فى 2023 و مجلس الذهب العالمي أعلن عن مشتريات قياسية في الربع الأول من العام بلغت 290 طنً
وتالت عامل من عوامل توقعات ارتفاع اسعار الدهب عالميا انه من المتوقع أن تؤدي حالة عدم اليقين الجيوسياسية المستمرة سواء فى اوكرانيا او فى الشرق الاوسط او التوترات فى تايوان بين امريكا والصين الى زيادة الاقبال على الدهب باعتباره ملاذ آمن وقت الأزمات الكبرى وأداة مهمة من أدوات التحوط
طب الناس تشترى دهب دلوقتى ولا تستنى شوية ؟
لو معاك فلوس ومش محتاجها لفترة سنة على اقل تقدير فلازم تشترى دهب النهاردة قبل بكره لأن الدهب رايح فى حتة بعيدة الأيام الجاية ومعظم البنوك الاستثمارية بتقول ان سعر الدهب حاليا مناسب للشراء خصوصا وان التوقعات كلها ماشية فى سكة ارتفاع من 2500 الى 3000 دولار للأوقية