جابت 4.3 مليار دولار في 4 شهور.. حكاية كنز الكنوز في مصر
![الدولار]( /UploadCache/libfiles/5/5/600x338o/72.jpg)
السياحة واحدة من روافد الاقتصاد القومي المصري، وهيا تاني اقوي جهة بتدخل عملات اجنبية لمصر بعد قناة السويس، والسنة اللي فاتت حققنا رقم قياسي جديد في الايرادات واعداد الوفود السياحية الي جت مصر وعدد الليالي السياحية اللي قضوها عندنا.. يا تري السياحة وصل لرقم كام السنة اللي فاتت... والايرادات وصلت لكام ومستهدف كام في السنين اللي جاية.
في الدول المقدمة واللي بتعرف تسوق المنتج السياحي اللي عندها صح وتقدمه بطريقة كويسة وبتكسب منه زي ما هيا عايزة مع الرغم من كده أن اغلب الدول دي مش عندها جزء بسيط جدا من الاثار والحضارة الفرعونية اللي مفيش زيها في العالم كله.
مصر واللي فيها كمية كبيرة من الاثار والمتاحف والمعابد والمقابر والكنوز الفرعونية علي مختلف العصور والاسر علي مر التاريخ لحد اللحظة دي مش عارفة تبيع المنتج اللي عندها بالشكل المطلوب، علي الرغم من المصاريف الكبيرة اللي بتصرفها الدولة في مجال الترويج السياحي وبرنامج تحفيز الطيران واللي الدولة بتدفع فيه مبالغ كبيرة جدا لشركات الطيران اللي بتجيب وفود سياحية لمصر من الخارج.
في السنة اللي فاتت وعلي الرغم من الاحداث الكتير اللي حصلت في تغيرات جيوسياسية وحروب وصراعات بين اغلب دول العالم واللي كانت في وقت من الاوقات من اهم الدول المصدر لحركة السياسة لمصر زي روسيا واللي نسبة السياحة الوافدة منها لمصر بتتعدي ثلث الرقم الإجمالي اللي بتحققه الدولة المصرية سنويا، ده غير اوكرانيا واللي كانت في السنين اللي فاتت هيا الحصان الاسود واللي خرج عن كل التوقعات وحقق ارقام كبيرة جدا في السياحة الوافدة لمصر .
مصر في السنة اللي فاتت قدرت تحقق المعادلة الصعبة وتكسر الرقم القياسي واللي حققته السياحة المصرية في عام 2010 واللي كان بيعتبر ذروة حركة السياحة المصرية بالوصول الي 14.6 مليون سائح، وقدرت توصل لـ14.9 مليون سائح وتحقيق ايرادات من القطاع باجمالي 4.3 مليار جنية دخلت خزينة الدولة المصرية في اربعة شهور بس، خصوصا ان الوزارة قدرت كمان ترفع عدد الليالي السياحية اللي السائحين قضوها هنا في مصر، وبدل ما السائح كان جاي علشان يقعد 3 او 4 ايام، مع التحديثات اللجات اللي عملتها الدولة لتحسين التجربة السياحية وصلت لأسبوع واحيانا اكثر من كده خصوصا ان السائح لما بيوصل مصر بيشوف حاجات ومناطق ومتاحف جديدة وشغل تطوير في كل مكان وفي كل المجالات.
الرقم اللي حققته الدولة معدل الايرادات والحركة الوافدة من الخارج خلي الدولة تعيد حساباتها بالنسبة لقطاع السياحة، وحاليا الدولة بتستهدف تحقيق 30 مليار دولار و تحقيق 30 مليون سائح في 2028، وحاليا الدولة بتقول ان الرقم ده قابل وبشكل كبير للزيارة في الايام اللي جاية خصوصا بعد المشروعات السياحية الجديدة اللي هتقوم بيها الدولة في المشروعات السياحية الجديدة زي راس الحكمة وراس جميلة ومرسي مطروح والعلمين الجديدة وغيرها وغيرها من المشروعات الضخمة اللي اضافتها الدولة لخريطة السياحة المصرية .