نقلة تاريخية في الصعيد.. مشروع هيقلب الموازين

ايه اللي بيحصل في الصعيد وإيه حكاية مشروع القرن الجديد في الصعيد وازاي المشرع هيغير شكل الصعيد وهيقلب موازينه في الفترة الجاية.. تعالو نشوف اللي هيحصل

محدش يقدر ينكر إطلاقا حجم الانجازات اللي تمت واللي لسه شغالة في البلد من أسوان للإسكندرية ومحدش يقدر ينكر حجم الجهد الجبار اللي اتعمل في البلد من ساعة تولي الرئيس السيسي ورغم الأزمات العالمية بداية من كورنا لغاية المشكلة الروسية والأزمات اللي حولينا من كل ناحية المشروعات دي موقفتش إطلاقا ولولا إن مصر بنت جزء كبير من اقتصادها في السنين الأولى من تولي السيسي لكانت دلوقتي في ازمة كبيرة جدا مع الأحداث الدولية والاقتصادية العالمية.
من بين ملفات التنمية الزراعة كانت واخدة اهتمام كبير من الرئيس والحكومات اللي اشتغلت معاه لأنها هي عصب الحياة للمصريين ولأن الزراعة في بلد مستهلك بشكل كبير جدا هي عامل أمان وفي نفس الوقت ضرورة وفرض على القيادة والحكومة انها تعظم أمنها الغذائي وهو مسألة أمن قومي مفيهاش أي نقاش.
طيب السيسي عمل ايه في ملف الزراعة.. تقريبا مش محتاجين نشرح لأن كل حاجة واضحة والمشروعات باينة وكفاية تعرف إن السيسي عمل أكتر من 15 ألف مشروع في قطاع الزرعة واستصلح حوالي 4 ملون فدان يعني بنتكلم في معجزة زراعية محصلتش من أيام الفراعنه وشفنا توشكي والدلتا الجديدة ومستقبل مصر والمشروعات الصناعية اللي قامت على المشروعات الزراعية ومجمعات المصانع اللي اشتغلت بسبب زيادة الرقعة الزراعية.

طيب إيه مناسبة الكلام عن الزراعة النهاردة وإيه علاقنه بالصعيد.. شوف ياسيدي المقدمة دي كلها عشان نقولك إن فيه مشروع زراعي ضخم هيغير شكل الصعيد التقليدي وهيحوله لمركز زراعي أكتر من اللي هو عليه وكمان فيه صناعات ضخمة هتقوم على حس مشروعات الزراعة.. ولو مش متابع من ساعات مجلس الوزراء وافق على قرار رئيس الجمهورية بتخصيص قطعتين أرض من المساحات المملوكة للدولة لصالح جهاز «مستقبل مصر» بمساحة إجمالية تصل إلى مليون فدان بنطاق محافظات بني سويف والمنيا وأسوان..
طيب الأرض دي هيتعمل فيها إيه.. حسب القرار الارض دي هيتم استصلاحها وزراعتها ضمن المشروع القومي لإضافة 4.5 مليون فدان زراعي جديد بحلول 2027.. وحضرتك متخيل إن مليون فدان ممكن يعملوا إيه في 3 محافظات المشروع داخل في زمامها وتقدر تتخيل حجم المجتمعات الجديدة اللي هتيجي على حس المشروع وكم العمالة اللي هتشتغل فيه والمصانع اللي هتتعمل حوليه وكام باب رزق هيتفتح للأهل في الصعيد كله.