عاوز تشطب شقتك ومحتار.. بانكير هيقولك تجيب الفلوس منين
![تشطيب الشقة]( /UploadCache/libfiles/5/4/600x338o/942.jpg)
معاك شقة ومش عارف تشطبها عشان تتجوز فيها أو بنيت بيت بس الفلوس اللي معاك خلصت ومش عارف تكمل.. متشلش هم بانكير هيقولك تعمل ايه وتجيب تمويل منين.. خليكم معانا وهنعرف التفاصيل
الأول خلينا نعرفك إن البنوك بتدي قروض مختلفة وانواع كتيرة وتقريبا كده بتغطي اغلب الاحتياجات اللي ممكن نتعذر فيها ومايكونش معانا فلوس بداية من قرض الحج والعمرة ولغاية قرض المصايف والمدارس والتعليم وسداد الديون وفك الزنقة وقروض المشروعات وغيرها كتير ده غير خدمات تانية بتقدمها البنوم ومحدش واخد باله منها.
المهم من بين القروض اللي بتقدمها البنوك هي قروض الصيانة والتشطيب وهو اسمه قرض تحسين المنزل وده قرض شخصي بيقدم تمويل عمليات تجديد أو تشطيب أو إصلاح أو تطوير عقار سكني لو بتفكر تسكن فيه أو تأجره أو حتي تبيعه بعد ما تجددده بغرض الاستثمار وهنا البنك بيساعدك تستغل وتحسن اصولك ازاي.
وبخصوص تفاصيل القرض الشخصي لتحسين المنزل من بنك مصر على سبيل المثال فالبنك بيقدملك القرض بأعلى قيمة قرض تصل إلى 3 ملايين جنيه
- أطول مدة قرض تصل إلى 12 سنه .
- أقل مصاريف إدارية.-
وثيقة تأمين مجانية على الحياة والعجز الكلى.
- إمكانية سداد مديونيات أخرى.
- إعفاء من مصاريف فتح الحساب.
ولو بتسأل عن المستندات المطلوبة فهي صورة بطاقة رقم قومي سارية.- إيصال مرافق حديث.- شهادة حديثة بمفردات الراتب.- خطاب معتمد من جهة العمل.
وقبل ما تستلم القرض بانكير بيلفت انتباهك عشان مترجعش وتندم إن التأخير في سداد القرض الشخصي هيأخر عليك الأقساط والرسوم والغرامات وده غير انك مش هتعرف تاخد قرض تاني من اي بنك غير بعد فترة وإجراءات كتيرة وعشان كده قبل ما تفكر تاخد قرض شخصي، ضروري ولازم تفكر كتير في وضعك المالي، وتقيم قدرتك على سداد القرض، واكتشاف البدائل مثل الميزانية أو الادخار أو طلب المساعدة من العائلة والأصدقاء.
و قبل ما تطلب القرض لازم تراجع اتفاقية القرض كويس جدا بما فيها الشروط والأحكام، قبل التوقيع على اي ورقة وعشان تبقي فاهم ومستوعب جميع الالتزامات والرسوم المحتملة والتأكد من قدرتك على تحمل الأقساط الشهرية بشكل مريح في حدود ميزانيتك وبعدها تاخد القرض اللي يناسبك ومش شرط تاخد قرض كبير عشان تعرف تسدد اقساطه.