إيه اللي بيحصل في الصاغة وأسباب قفزة الدهب وامتي اشتري وأبيع

 

 
هو ايه اللي بيحصل في الدهب وليه الأسعار رجعت تقفز تاني وايه مصير الأسعار الفترة الجاية.. وايه هو الوقت اللي اشتري فيه دهب وامتي ابيع ..كل الأسئلة دي هنجاوب عليها في الفيديو ده خليكم معانا للآخر.

الدهب بدأ رحلة الصعود من تاني وعيار 21 قفز لسعر 3180  عن تداولات الخميس اللي فات يعني زاد في حوالي 24 ساعةبزيادة 50 جنيه مرة واحدة والزيارات طالت كل الأعيرة طبعا لكن ايه اللي حصل في الصاغة.. هنوقلكم وبنفكركم باللي قلناه قبل كده في العموم عن سوق الدهب إنه سوق حساس وبيتأثر بعوامل كتير زي الأحداث الاقتصادية والمالية والسياسية العالمية وكمان بالاسعار العالمية وبأهم عامل وهو سعر الفايدة على الدولار الأمريكي في الفترة الجاية وغير كده سوق الدهب بيكون مستقر نسبيا لكن لو حصلت اي حاجة مش طبيعية في العوامل اللي قلنا عليها سوق الدهب بيتوتر فورا وبتحصل زيادات سريعة في الأسعار.
وعشان تبقي فاهم ليه الدهب فجأة سعره بيزيد سواء في مصر أو عالميا فجأة دائما تتابع تصريحات مسؤولي البنك الاحتياطي الفدرالي الأمريكي عن سعر الفايدة لانه بيتغير بعدها مباشرة حسب نوع التصريح عن توقعات سعر الفايدة يعني لو رئيس البنك الفدرالي طلع وقال إن فيه احتمال كبير نخفض سعر الفايدة يبقي الدهب سعره هيقفز على طول ولو قال في اتجاه نرفع سعر الفايدة يبقي الدهب سعره هينزل لأن العلاقة بينهم عكسية وده اللي حصل اليومين والشهور اللي فاتوا سوق الدهب العالمي كان بيتغير حسب تصريحات توقعات سعر الفائدة على الدولار.. وزي ما قلنا قبل كده تخفيض سعر الفايدة على الدولار معناه قيمته وسعره هيقلوا فييحصل طلب زيادة عالميا على الدهب للتحوط صد هبوط أسعار الدولار وبالتالي انخفاض قيمة احتياطي البنوك المركزية من الدولارات وده في النهاية بيسبب زيادة في سعر الدهب.

كمان الارتفاع العالمي في سعر الدهب زادت وتيرته ولسه هتزيد حسب توقعات المؤسسات المالية واللي بتأكد إن سعر الدهب عالمياً لسه هيزيد إلى 3 آلاف دولار مقارنة بسعره دلوقتي 2240 دولار وده بدأ يتحقق فعلا ولاحظنا في الأسابيع الأخيرة ارتفاع سعر أونصة الدهب إلى مستويات تاريخية  ووصل سعر الأونصة 2400 دولار، ومن المتوقع مزيد من الصعود الي مستويات قياسية ما بنن 2500 و2700 دولار خلال 2024 يعني الدهب بدأ دورة الصعود المحلي والعالمي لو مشي حسب التوقعات وحسب تصريحات البنك الاحتياطي الفدرالي.. يعني صعود أسعار الدهب أو انخفاضها في النهاية  بيعكس تأثير العوامل الاقتصادية والجيوسياسية زي الصراعات المسلحة اللي موجوده على الأسواق العالمية، وده بيخلي المعدن الأصفر في بؤرة اهتمام المستثمرين وزيادة الطلب عليه.
طيب ايه الوقت المناسب للشراء.. اكيد وبسرعة طالما سعر الدهب بيزيد ولسه هيزيد بشكل كبير يبقي تجري على الصاغة تشتري اللي تقدر عليه لأنه متوقع يوصل لمستويات قياسية عالميا واكيد هيرفع في مصر طبعا.. واكيد مش من الحكمة انك تبيع دهب وهو لسه هيزيد وطبيعي تستني ذروة الارتفاع عشان تبيع وتكسب .