ليلة سوداء في الصاغة.. إيه اللي هيحصل لأسعار الدهب في مصر؟
يا ترى ايه اللي بيحصل في سوق الصاغة بالظبط؟ وليه سعر الدهب عالميا سجل مستوى تاريخي في آخر ٤٨ ساعة؟ وايه اللي هيحصل لأسعار الدهب في مصر الفترة الجاية؟ ومتوقع سعر الجرام يوصل كام؟
بالتزامن مع انباء بدء خفض أسعار الفائدة في الولايات المتحدة الأمريكية واصل الدهب صعوده عالميا وسجل مستوى تاريخي تجاوز ٢٤٠٠ دولار للمرة الأولى من فترة طويلة وسط توقعات قوية بمزيد من الارتفاع في سعر المعدن النفيس خلال الأيام الجاية وفيه توقعات أن الدهب ممكن يتجاوز ٢٥٠٠ دولار للاونصة قبل نهاية يونيو خصوصا في ظل استمرار التوترات السياسية في اكتر من منطقة سواء في الشرق الأوسط أو في اوكرانيا أو فى أماكن تانية كتير
بالإضافة كمان ان كتير من البنوك المركزي بتحاول تزود احتياطياتها من الدهب في إطار عمليات التخلي عن الدولار اللي استخدمته الولايات المتحدة الأمريكية كسلاح في حربها ضد الروس من بعد الغزو الروسي لاواكرانيا.. وكلنا شفنا ازاي تم طرد روسيا مز النظام المالي العالمي وتم تجميد أصول بمليارات الدولارات لموسكو في عدد من العواصم وده خلا كتير من الدول تعيد التفكير في احتياطياتها من الدولار وتسعى بكل قوة إلى زيادة حجم الدهب الملاذ الأكثر آمانا في العالم.
طب ايه تأثير ده على سوق الدهب فى مصر؟
لازم نكون عارفين أن اي ارتفاع في سعر الدهب عالميا بيسمع عندنا في مصر وفي آخر تعاملات سعر الجرام فى مصر زاد بحوالى ٥٠ جنيه مع الزيادات الكبيرة اللى بتحصل في سعر الدهب عالميا ومتوقع أن الزيادات دي تستمر في حال الصعود القياسي للدهب فى البورصات العالمية وللأسف ممكن نرجع نسمع أسعار صعبة تاني عن الدهب زي ما حصل قبل كده وسعر الجرام عدا ٣٨٥٠ جنيه
يعنى ده الوقت المناسب لشراء الدهب؟
اي حد معاه فلوس مش محتاجها لفترات طويلة يفضل طبعا يستثمرها في الدهب خصوصا ان التوقعات بتقول انه مع بدء الفيدرالي الأمريكي في خفض سعر الفايدة متوقع سعر الا نصة عالميا ممكن يوصل الى ٣٠٠٠ دولار وفقا لكتير من الخبراء
وخد بالك اللي بيحصل في سوق الدهب العالمي هتكون انعكاساته قوية في مصر رغم انخفاض سعر الدولار في الفترة الأخيرة وده لأن واحد من أهم معايير تحديد سعر المعدن النفيس فى مصر هتحصل فيه أزمة مش سهلة خالص
