قرار جديد للسيطرة على مافيا الأسواق.. شوف اللي هيحصل في الدواجن

 
 
اللحوم والدواجن واحدة من اهم السلع اللي عليها علامات استفهام كبيرة عن اسباب استمرار ارتفاع اسعارهم في الاسواق خصوصا ان اغلب اسعار الاعلاف نزلت وبشكل كبير.. يا تري اية اللي بتعمله الحكومة علشان تنزل اسعار اللحوم والفراخ في الاسواق واية حكاية قرار جهاز حماية المنافسة ومنع الممارسات الاحتكارية بطلب تحريك الدعوى الجنائية ضد 7 من كبار سماسرة لدواجن التسمين البيضاء

اغلب اسعار السلع الاستراتيجية اللي بيتاجها المواطن بشكل يومي سعرها نزل وبشكل كبير قدام المواطنين بعد الاصلاحات الاقتصادية اللي عملتها الحكومة في ملف توفير الدولار في البنوك والقضاء علي وجود سعرين للدولار في سوق الصرف.
بعد الاصلاحات الكبيرة اللي عملتها الدولة في ملف توفير الدولار واتاحته للموردين والتجار وبشكل رسمي واقل من سعر السوق السودا اللي كانوا التجار بيتعاملوا بيه في الشهور اللي فاتت، مجلس الوزراء عمل اجتماع عاجل من الموردين والمستوردين وطالبهم بنزول اسعار السلع وفعلا اسعارها انخفضت وبشكل كبير في الاسواق قدام المواطنين وحاليا اغلب اسعار السلع بقي في المتناول ومتوفرة وبسعرها يقارب من سعرها الحقيقي، وحتي لو فيها زيادة فهي زيادة معقولة مش بارقام كبيرة زي ما كان بيحصل قبل كده.
علي الرغم من كل الجهود والقرارات والأجراءات اللي اخذتها الحكومة لانخفاض اسعار السلع في الاسواق الا ان اسعار اللحوم والدواجن ما زالت مترفعة واعلي بكتير من سعرها الحقيقي، ومنها هنا جهاز حماية المنافسة ومنع الممارسات الاحتكارية إصداره قرارًا بطلب تحريك الدعوى الجنائية ضد 7 من كبار سماسرة دواجن التسمين البيضاء للجهات المختصة.

قرار جهاز حماية المستهلك جه بسبب بعد التحقيقات الي قامت بيها، واللي اكدت ان السماسرة بيأكدوا أن سعر الدواجن رسميًا في المزرعة بيوصل لـ 85 جنيهًا، لكن لما التجار بيرحوا يشتروا منهم بيلاقوا ان سعر الكيلو بيوصل لـ 105 جنيها وشغالين بمنطق ده سعرنا واللي مش عاجبه مشيشتري.
وعلشان نكون عارفين انه لعبة كبيرة قوي بيتحصل بين سماسمرة فراخ التسمين وهيا، أنه في حال قيام الجهات المختصة بتحقيقات مع حد منهم او القبض على بعضهم بيستغل الظروف وبيرفع الاسعار عن الأول خصوصا ان بيستغل النقص اللي بيحصل في السوق والطلب المرتفع اللي بيكون علي الفراخ خصوصا انهم هما المتحكمين الاساسييين في السوق .

راضي أحمد عضو شعبة الثروة الداجنة بالغرفة التجارية بالقاهرة، قال إن قرار تحريك دعوى قضائية ضد سماسرة الدواجن مش هيكون لها أي تأثير على السوق أو الأسعار، خصوصا ان تحرير دعوى جنائية لتجار الفراخ مش هيا الأولي من نوعها وحصلت كتير في السنين اللي فاتوا وكانت بتنتهي ان ياخذوا براءة من المحكمة الاقتصادية.
عضو شعبة الثروة الداجنة بالغرفة التجارية بالقاهرة كمل كلامه وقال أن بعض السماسرة اللي بيشملهم قرار تحريك الدعوى الجنائية مش المرة الأولى لهم، وكان في دعاوي قضائية كتيرة وغرامات وصلت لـ 50 و100 مليون جنيه عن الضرر العام، وفي النهاية اخذوا البراءة وطلعوا وكملوا شغلهم عادي.