كنز هيخلص مصر من أزمة الدولار.. إيه اللى بيحصل في قناة السويس؟
![الدولار]( /UploadCache/libfiles/5/4/600x338o/769.jpg)
يا ترى ايه اللى بيحصل فى المنطقة الاقتصادية بقناة السويس ؟ وايه حكاية مشروعات الهيدروجين الأخضر اللى ممكن تحل أزمات مصر؟ وليه البنك الاوربي لاعادة الاعمار مهتم جدا بالاستثمار فى المنطقة دي ؟ وايه المشروعات المهمة اللى هيتم العمل عليها هناك خلال الفترة الجاية؟
باعتبارها كانت من سنتين الدولة المضيفة لمؤتمر الأمم المتحدة المعني بتغير المناخ COP27 شهدت مصر موجة من الإعلانات لإنتاج الهيدروجين الأخضر على نطاق واسع معظمها هيكون في المنطقة الاقتصادية الضخمة لقناة السويس اللي بتمتد من بورسعيد إلى خليج السويس.
وبتعتمد المقترحات على موارد الطاقة الشمسية وطاقة الرياح الغنية في مصر لتشغيل التحليل الكهربائي وتوقع صادرات الأمونيا وغيرها من مشتقات الهيدروجين.
وخلال مؤتمر تغير المناخ فى مصر وقعت الحكومة المصرية 8 ثماني اتفاقيات إطارية مع شركات من بينها أكوا باور، والفنار، ومصدر، وسكاتيك، وتوتال إنرجيز، وغيرها.. واستمرت إعلانات مشروعات الهيدروجين وفي فبرايراللى فات وقعت الهيئات الحكومية والمنطقة الاقتصادية لقناة السويس 7مذكرات تفاهم مع المطورين.. وحاليا فيه اكتر من 30 إعلان عن مشروع لإنتاج الهيدروجين الأخضر ومشتقاته في مصر.. وفيه اقبال كبير من الشركات الجنبية وصناديق الاستثمار العربية والغربية للفوز بالمشروعات دي اللى هتحقق مكاسب رهيبة فى المستقبل.
طب اشمعنا مصر هي اللى بتحظى بالاقبال الكبير ده لاعلى مشروعات الهيدروجين الأخضر؟
السبب الساسي ان البنك الأوروبي لإعادة الإعمار والتنمية بيتولى توفير البنية التحتية اللازمة اللي هتسمح للشركات الأجنبية انها تنفذ خططها ومشروعاتها فى مصر وبيتم التفاوض حاليا على التمويل مع مؤسسات تمويل التنمية زيالبنك الأوروبي لإعادة الإعمار والتنمية، وكمان مؤسسة التمويل الدولية، وبنك التنمية الألماني، ومؤسسات تمويل التنمية التانية اللى بتقدم تمويلا بشروط ميسرة لكل من يريد دعم قطاع الهيدروجين الأخضر وتحول الطاقة.
وفى الفترة الأخيرة بيتم التجهيز مع بعض المطورين لاتفاقيات إطارية مع المنطقة الاقتصادية لقناة السويس على تطوير دراسات لمشاريع كبيرة للأمونيا الخضراء أو الميثانول المعتمد على الهيدروجين. وفي حالة وصولها إلى مرحلة الإنشاء هيكون عندنا فى مصر واحد من أكبر المجمعات فى العالم لإنتاج الهيدروجين يتركز في العين السخنة.
وأبرمت شركة المياه والكهرباء السعودية أكوا باور اتفاقية إطارية مع الحكومة المصرية في أواخر 2023 لتطوير منشأة للأمونيا الخضراء بقيمة 4 مليار دولار، مع خطط لإنتاج 600 ألف طن سنويًا في المرحلة الأولى، وتصل إلى 2 مليون طن فى مراحل لاحقة
واتفقت شركة توتال مع شركة إنفرا كابيتال المصرية علي شراكة لاستكشاف الإنتاج في المنطقة الاقتصادية لقناة السويس، بدءًا بقدرة متواضعة لإنتاج 30 ألف طن من الهيدروجين الأخضر سنويًا.