الضربة القاضية للدولار في مصر.. المركزي هيجيب من الآخر
يا ترى الحكومة هتعمل ايه بال 20 مليار دولار اللى خدتهم من الامارات باقي صفقة رأس الحكمة؟ وايه تأثير المبلغ الضخم ده على سعر الدولار فى مصر؟ وهل كده أزمة نقص العمل انتهت ولا الدنيا رايحة على فين؟
من ساعات قليلة أعلن رئيس الوزراءالدكتور مصطفى مدبولي، استلام الحكومة المصرية مبلغ 14 مليار دولار من الإمارات قيمة الدفعة التانية من صفقة "رأس الحكمة" وقال ان ده ساهم في ضخ المزيد من الموارد الدولارية.. وقال انه حاليا بيتم التعاون مع الجانب الإماراتي في إجراءات التنازل عن قيمة وديعة دولارية إماراتية بقيمة 6 مليار دولار على أن يتم تحويل قيمتها إلى ما يعادلها بالجنيه المصري، وفقًا لما تم الاتفاق بشأنه في اتفاقية الشراكة الاستثمارية لتنمية وتطوير مدينة رأس الحكمة بين مصر والإمارات
رئيس الحكومة قال ان حاليا فيه ثقة كبيرة من المصريين في الخارج تمت ترجمتها في زيادة التحويلات بصورة مطردة وقال كمان ان فيه زيادة كبيرة في التنازل عن الدولار لدى الجهاز المصرفي ومكاتب الصرافة المختلفة في ظل انحسار السوق الموازية.
طب يا ترى الحكومة هتعمل ايه بال 20 مليار دولار اللى استلمتهم من الامارات؟
زي ماكلنا عارين البنك المركزي فى الفترة اللى فاتت كان بيعانى من أزمة شح العملة وده انعكس على توفير الموارد الدولارية للشركات والمستثمرين وخلا فيه طلب متزايد على العملة الأجنبية وانعكس دهطبعا على سعر الدولار فى السوق السودا وقتها واللى وصل الى 70 جنيه لكن مع دخول تدفقات دولارية من صفقة راس الحكمة الكفة اتعدلت وتم توجيه ضربة قوية جدا للسوق السودا اللى اختفت تماما
ومع وصول الدفعة التانية من صفقة راس الحكمة البنك المركزي هيضخ سيولة دولارية كبيرة جدا فى البنوك وعشان كده متوقع الدولار سعر ينهار فى البنوك خلال الفترة الجاية وممكن تسمع عن أرقام 24 جنيه قبل نهاية الشهر الجاي
وهيتم توفير كل احتياجات الشركات والمستوردين والافراج عن اى بضايع لسه موجودة فى الموانيء وسداد جزء من مستحقات الشركات الجنبية تحديدا فى قطاع البترو ل
كمان هيتم استغلال جزء كبير من ال 14 مليار دولار فى سداد التزامات خارجية على الحكومة فى ملف الديون الخارجية وخدمة الدين العام والباقي هيتم اضافته للاحتياطي النقديمن العملات الجنبية فى البنك المركزي وعشان كده فيه مؤسسات دوليةكبيرة توقعت زيادة الاحتياي النقدي لمصر بصورة غير مسبوقة
