2025 سنة الدهب.. ليه لازم تحوش من دلوقتي غوايش وسبايك

 
 
لو بتدور على استثمار يجيبلك ضعف فلوسك في أقل من سنة يبقي لازم تشتري دهب من دلوقتي وتخزينه لغاية السنة الجاية.. ليه بنقول كده وايه اللي هيحصل في 2025 .. شوف الفيديو للآخر 
 

لو شفتوا فيديوهاتنا اللي اتكلمنا فيها عن مصير الدهب والسوق رايح على فين يبقي اكيد عرفت أننا بنتكلم لمصلحتك واللي قلنا عليه حصل فعلا وإن الأسعار هتنزل وهترفع لمستويات قياسية بعد شهور من دلوقتي وقلنا تحديدا إن ده هيحصل في المدى المتوسط وده لأن الدهب أصلا استثمار طويل الأجل يعني الحد الأدنى للبيع بعد 3 سنين وكل ما تصبر مكسبك بيزيد .
طيب نيجي لسؤالنا وهو إيه اللي هيحصل في 2025 ... شوف حضرتك زي ماقلنا قبل كده إن الدهب سوق بتتحكم فيه عوامل كتيرة عالمياً ومحليا والسوق الدولي المعدن الأصفر بيتأثر في الأساس بسعر الدولار والعلاقة بينهم عكسية يعني لو الدولار سعره زاد يبقي الدهب هينزل وتاني حاجة هي حجم الطلب عالمياً على المعدن النفيس وهنا بنقصد مشتريات البنوك المركزية العالمية وتالت عامل من العوامل اللي بتتحكم في سعر الدهب هو الصراعات السياسية والاقتصادية والعسكرية لأن الدهب ملاذ آمن للدول والافراد لما يحصل توتر كبير بين الدول.
طيب تعالوا نشوف إيه اللي هيحصل في كل عامل من العوامل اللي بتأثر في السعر وأولها سعر الفايدة على الدولار أو سعر الدولار ومن كلام رئيس بنك الاحتياطي الفيدرالي الأمريكي مفيش تخفيض في سعر الفايدة في الاجتماعات الباقية من 2024 وقال إن سياسة التشديد النقدي ورفع سعر الفايدة هتستمر وحسب التوقعات الفدرالي هيبدأ ينزل في أسعار الفايدة بداية من السنة الجاية وهنا هيبدأ الدهب يزيد وبقوة كمان.
تاني سبب بيأثر في سعر الدهب هو حجم الطلب عليه من البنوك المركزية ولو بصينا في البيانات اللي قلناها هنا قبل كده هنعرف أن الطلب على المعدن النفيس وصل لمستويات قياسية ب1080 طن وده محصلش قبل كده وده بسبب الطلب الكبير على المعدن من بنوك الصين وروسيا والهند واللي بتتحوط للعقوبات الاقتصادية والمالية الأمريكية واللي استخدمت الدولار في معاقبة الصين وروسيا تحديدا والمؤشرات بتقول إن لسه الطلب مرتفع على الدهب وهيزيد في 2025 بقوة مع اتجاه الفدرالي لخفض سعر الفايدة على الدولار.
ونيجي للسبب الأخير وهو الصراعات السياسية والعسكرية والاقتصادية وهنلاقي الصراع لسه مستمر في الشرق الأوسط وروسيا عسكريا وتجاريا مع الصين ولسه امريكا فارضة 180 مليار دولار على الصين رسوم بسبب السيارات الكهربائية الصينية.
يعني كل المؤثرات الخارجية على سوق الدهب بتقول إنه هيرفع لارقام كبيرة في السنة الجاية واللي هتكون سنة الدهب ومحليا طبعا الأسعار مرتبطة بالدولار والسعر العالمي والعرض والطلب ومتوقع تمشي في نفس الاتجاه وعشان كده بنقولك ده الوقت المناسب عشان تشتري دهب على قد ما تقدر وتخزنه الكام شهر اللي جايين وهتكسب الضعف.