مفاجأة مدبولي.. 100 مليار دولار إيرادات من قطاع واحد

عمرك كنت تتخيل إن قطاع اقتصادي واحد ممكن يدخل لمصر 100 مليار دولار في السنة الواحدة.. ايه هو القطاع ده وإزاي بيخدم على كل فروع الاقتصاد وإزاي هيدخل المبلغ الضخم ده.. خليكم معانا لأخر التقرير.

علي مدار سنين طويلة وقطاع النقل كان هو الاكثر حصادا في ارواح المواطنين كل ساعة حادثة مرة علي الطرق ومرة تانية في القطارات ومرة علي المزلقانات وكل مرة بيكون ضحايها ارواح من الشعب المصري ولكن مع بداية الجمهورية الجديدة.. الدولة اخذت قطاع النقل ده تحدي خاص واشتعلت عليه بكل قوة، وكانت النتيجة أن قطاع النقل تحول من مصيدة لأرواح المواطنين للوسيلة الاكثر امانا.
شوفنا كتير عناصر عايزة تخرب البلد، وكل يوم تسمع منها كلام شكل، وحاجات من عينة الدولة مش بتعمل حاجة غير كباري، والدولة مش بتعمل حاجة غير طرق، والدولة هتعمل اية بالطرق والكباري دي كلها، والدولة خلصت فلوس المصريين علي الطرق والكباري، والدولة خلت الشعب بيشحت علشان تبني طرق وكباري، وحاجات من العينة دي كتير ، ولكن الدولة ولا همها وده ببساطة لانها عارفة بتعمل ايه كويس وكانت النتيجة تطور كامل في البنية التحتية لقطاع الطرق ومرافق السكك الحديدية والقطارات ده غير التطور اللي بيحصل في قطاع مترو الانفاق واللي تحول للقطار الاخضر .

الشغل اللي عملته الدولة المصرية خلال السنين اللي فاتت واللي صرفت عليه مبالغ كبيرة جدا، ظهرت دلوقتي نتيجة علي الارض والدولة حاليا بتجمع ثمار الشغل اللي عملته في قطاعات النقل، ووصلت ايرادات شركة أم أو تي للاستثمار والتنمية ودي واحدة من الشركات التابعة للهيئة القومية لسكك حديد مصر والذراع الاستثماري لوزارة النقل  واللي تم انشائها بغرض إدارة وتشغيل ‏واستغلال أصول الهيئة، ووصلت إيراداتها لـ 1.415 مليار جنيه عن سنة مقارنة بـ 943 مليون جنيه عن العام 2022 . 
طيب اية الشغل الاساسي لشركة شركة أم أو تي للاستثمار والتنمية واية السبب لوجودها من الاساس؟.
وزارة النقل أنشات الشركة دي علشان تكون هيا المسئولة عن تنفيذ المشروعات التنموية والقومية اللي هيكون لها عائد على الاقتصاد القومي وهتساهم في توفير فرص عمل للشباب، والشركة دي اخذت تعاقدات علي تنفيذ 83 مشروع في 20 محافظة منهم مشروع محطة قطارات صعيد مصر بمنطقة بشتيل بالجيزة واللي تم الانتهاء منها وهتقدم أعلى مستويات الخدمة لجمهور الركاب بالإضافة الي مشروع تحيا مصر المنصورة واللي بيهدف للمساهمة في التطوير الشامل وإحداث نقلة حضارية لمدينة المنصورة ومشروع استثمار أرض طنطا ومشروعات تطوير واستثمار أراضى أملاك الهيئة القومية لسكك حديد مصر بمحافظة كفر الشيخ.
الهدف من شركة أم أو تي للاستثمار والتنمية هو التعاون والتنسيق مع شركات القطاع الخاص لتنفيذ المشروعات وتوفير الالاف من فرص العمل المباشرة وغير المباشرة للشباب والتعاون مع المستثمرين لخلق بيئة استثمارية جاذبة للمستثمرين.
السياحة واحدة من الأهداف اللي الدولة كانت باصة عليها من تطوير قطاع النقل، خصوصا ان الدولة بتستهدف تحقيق 100 مليار دولار بالاعتماد علي وجود شبكة طرق ونقل وقطارات قادرة على استيعاب الحركة المتزايدة وخدمة نقل الوفود السياحية بين المحافظات من خلال قطارات النوم .