ليلة سقوط الدولار.. الجنيه يفاجيء الجميع قبل اجراء مهم مع صندوق النقد

هو ايه بالظبط اللى بيحصل فى سوق صرف العملات الأجنبية فى الساعات الأخيرة ؟ وليه الدولار سعره بيتراجع بصورة ملحوظة  داخل البنوك وشركات الصرافة؟ وايه التغيرات اللى حصلت خلت الجنيه يبدأ يستعيد جزء من قيمته المفقودة فى اخر سنتين؟ وهل فعلا سعر الدولار ممكن يرجع تاني ل 35 جنيه ؟

بالتزامن مع استعداد الحكومة المصرية لتسديد مبلغ قدره 845 مليون دولار  لصندوق النقد الدولي خلال شهر مايو وفقا للجدول الزمنى لسداد أقساط قرض الصندوق واصل الدولار تراجعاته أمام الجنيه المصري فى لاتعاملات الأخيرة وانخفض الى اقل من 47 جنيه ونص لأول مرة من فترة طويلة وسط توقعات قوية جدا بمزيد من الانخفاضات فى سعر العملة الأمريكية خلال الشهور الجاية

ووفقًا لجدول سداد الديون لصندوق النقد الدولي قامت الحكومة المصرية بسداد مبلغ يبلغ 291.8 مليون دولار بالفعل على 4 دفعات في بداية الشهر ومن المقرر سداد الدفعة الحالية خلال ساعات قليلة

وبتنتظر مصر إتمام المراجعة التالتة لبرنامجها مع الصندوق في يونيو وهيقيم مسئولى الصندوق مدى الالتزام بتنفيذ مقاييس الأداء اللى تم الاتفاق عليها بنهاية مارس الماضي.. وتقديرات بنك الاستثمار جي بي مورجان بتتوقع نجاح مصر في إتمام المراجعة التالتة ، مع صرف مبلغ قدره 820 مليون دولار، نظرًا لتمسك الحكومة بتنفيذ جميع المؤشرات بانتظام وعلى راسها طبعا مرونة سعر الصرف اللي كانت شرط أساسي من شروط الصندوق لرفع قيمة برنامج التمويل المقدم لمصر من 3 الى 8 مليار دولار.

وبيتوقع صندوق النقد الدولي زيادة حجم التدفقات النقدية الأجنبية إلى مصر من خلال أهم 5 مصادر بنسبة تقدر بحوالي 13.7 مليار دولار خلال العام المالي الحالي ممثلة بزيادة نسبتها 14.6% مقارنة بالعام الماضي.

ووفقًا لتقرير الخبراء الصادر عن الصندوق في أبريل من المتوقع أن صفقة تطوير رأس الحكمة تساهم في زيادة الاستثمار الأجنبي المباشر إلى مستوى 32.2 مليار دولار مقارنة بـ 9.7 مليار دولار خلال السنة المالية اللى فاتت واللى انتهت في يونيو 2023.. و من المتوقع ارتفاع إجمالي تدفقات النقد الأجنبي إلى مصر إلى 107.3 مليار دولار بحلول نهاية يونيو 2024.

طب ليه فيه توقعات قوية بانهيار الدولار وهل فعلا ممكن يوصل الى 35 جنيه ؟

فيه أكتر من مؤشر بيقول ان الدولار سعره هيتراجع الفترة الجاية خصوصا ان مصر هيدخلها كمية كبيرة من النقد الأجنبي وأولها هيكون من باقى صفقة رأس الحكمة وخلال ايام مصر المفروض هتستلم حوالى 20 مليار دولار باقي الصفقة وهيوصل تباعا كميات تانية من الدولار بعضها من صندوق النقد وبعضها من الاتحاد الاوربي بالاضافة الى البنك الدولى ومؤسسات تمويل دولية تانية ومع التحسن الملحوظ فى تحويلات المصريين فى الخارج وزيادة الصادرات المصرية للخارج واتمام صفقات جديدة فى برنامج الطروحات الحكومية كل ده طبعا هيعمل وفرة كبيرة فى المعروض النقدي من الدولار وهيساهم فى هبوط العملة الامريكية والسعر المتوقع وفقا لأغلب التقارير الدولية هيتراوح ما بين 40 و42 جنيه وده ممكن يحصل خلال فترة من 3 الى 6 شهور على اقصى تقدير