إزاي تسحب فلوس من ماكينة الصرافة عبر انستاباي
الخميس 09/مايو/2024 - 10:46 م
ناس كتير بعتت لبانكير بتسأل ازاي يسحبو فلوس من ماكينات الصراف الالي من خلال تطبيق انستاباي..
الموضوع سهل خالص وهنضربلك مثال ببنك مصر.. أول حاجة هتعملها انك تضغط على تطبيق إنستاباي على ماكينات الصراف الآلي لبنك مصر. - هيظهرلك على الشاشة اختيارين، الأول محفظة الهاتف المحمول، والتاني إنستا باي INSTAPAy.
بعد كده هتدخل دخال رقم الموبايل المرتبط بالتطبيق.
وبعدها هتضغط على كلمة تأكيد حال التأكد من صحة الرقم أو تعديل أو إلغاء في حالة التراجع عن العملية وبعدها هتكتب قيمة المبلغ وتسحب فلوسك في دقيقتين.
