من غير ما تلف ولا تحتار.. إزاي تتصرف لو حولت فلوس علي محفظة كاش بالخطأ
![صورة ارشيفية]( /UploadCache/libfiles/5/4/600x338o/528.jpg)
المحافظ الإلكترونية واحدة من الخدمات اللي بتقدمها شركات الاتصالات للمواطنين واللي ممكن من خلالها تحول او تستلم فلوس من اي حد في اي مكان ودي واحدة من الحاجات اللي حلت مشاكل كتيرة للناس.. بس في حال كتيرة بتحصل مع الناس زي أحيانا بيحول فلوس لرقم غلط او رقم مش عليه محفظة وبيكون مش عارف يتصرف إزاي أو ازاي يرجع الفلوس.. لو عايز تعرف حل للمشاكل دي كلها شوف اقرا للآخر.
في الفترة الأخيرة في وسائل رقمية جديدة ظهرت في الأسواق وسهلت بشكل كبير التعاملات بين المواطنين وبعضهم، ولتكون قاعد في بيت وعلي سريرك وتحول أو تستلم فلوس من اي حد ومن اي مكان.
الوسائل الرقمية دي علي قد ما حلت مشاكل الناس علي قد ما فيها مشاكل لبعض الناس خصوصاً الناس اللي مش بتعرف تتعامل كويس مع الأجهزة الإلكترونية أو الناس اللي كبيرة في السن واللي أحيانا بيحصل معاهم مواقف أنه يحول فلوس بالخطأ أو يحول فلوس لرقم مش عليه محفظة وفي اللحظة دي بيكون مش عارف يتصرف إزاي ولا يعمل .
من غير ما تلف ولا تحتار انا دلوقتي هقولك على طريقة تقدر من خلالها تسترد فلوسك لو حولت لرقم خطأ أو ل. حولت فلوس لرقم مش عليه محفظة وده من خلال اتباع شوية إجراءات وخطوات لازم تقوم بيها لو عايز تسترد فلوسك واول حاجة فيهم انك هتواصل ممثلي خدمة العملاء ومن خلالهم ممكن تعرف الشخص اللي استلم الفلوس بطريق الخطأ عنده محفظة علي خدمات كاش ولا لا، وفي حالة أن الشخص لو كان عنده محفظة، فهنا لازم تتواصل معاه وتطلب منه يحولك فلوسك مرة تانية علي الرقم بتاعك او الرقم اللي وصلت مو عليه الفلوس، وفي الحالة مفيش اي شركة أو خدمة تقدر ترجعك فلوسك إلا أن صاحب الرقم هو اللي يعملك تحويل للفلوس مرة تانية.
نيجي للحالة التانية وهيا انك تحول فلوس لرقم مش عليه محفظة وفي الحالة دي فلوسك هترجعك بشكل تلقائي في خلال اسبوع من التحويل وده في حالة أن صاحب الرقم ميعملش محفظة علي الرقم بتاعه طوال الأسبوع اللي تم فيه التحويل لو صاحب الرقم عمل محفظة فكده فلوسك راحت.