هي مليارات السوق السوداء راحت فين.. شوف المفاجأة

 
 
الأزمة انتهت والسوق الموازية قفلت والدولار رجع البنوك والجنيه بقي سعره حر.. طيب السؤال الأهم بقي هي دولارات السوق السودا راحت فين وتجار العملة بيعملوا بيها ايه وياترى كام مليار دولار راحوا واستخبوا في السوق السودا.. خليكم معانا هنشوف مفاجآت غريبة 
 
اي سوق غير شرعية أو فلوس مشبوهة دايما تلاقيها بتستخبى وتطلع بس في الضلمة وفي أنشطة غير قانونية وعشان كده سموها السوق السودا ومش شرط تكون تجارة في العملة لكن اي استغلال للموقف لاي سلعة بتعتبر سوق سودا.. المهم زي ما احنا عارفين إن مصر عاشت أيام صعبة جدا في السنة اللي فاتت ونقدر نقول انها أصعب سنة مرت على مصر في العشر سنين الأخيرة وكان بسبب الدولار واللي هرب من البنوك وبقي التداول عليه في السوق السوداء ومصيره في أيد تجار العملة وفرق السعر وصل اكتر من 40 جنيه في الدولار الواحد وعشان كده ناس كتير سابت البنوك والصرافة وبدأت تدور على تجار العملة عشان يستفادو من فرق السعر وفضل الحال على ماهو عليه وفي النهاية الشعب المصري هو اللي بيدفع التمن.
طيب كام حجم الدولارات اللي في السوق السوداء للدولار في البلد... لأن أغلب الدولارات اللي كانت في البلد كانت بتداول في السوق السودا قبل قرار التعويم كان فيه تقديرات بتقول إن حجم المتداول في السوق دي من الدولارات من 40 إلى 50 مليار دولار وده رقم ضخم جدا طبعا.. طيب ايه اللي بعد التعويم.. شوف حضرتك التعويم كان زي القضا المستعجل على رؤوس تجار العملة وهو القرار اللي انهي احتكارهم لتجارة العملة في وقت كانت البلد في عرض دولار وفي أصعب أيام مرت عليها وفي الاخر كان قرار تحرير سعر الصرف أهون وأخف من اي اثار جانبيه تانية ممكن تحصل.
نيجي بقي للسؤال الأهم دولارات السوق السودا راحت فين بعد التعويم وبعد ما البنك المركزي أصدر قرار بعدم قبول أي دولارات الا لما تتعرف مصدرها.. شوف يافندم الموضوع مش لغز ولا حاجة وفي الأول لازم نفرق بين الدولارات الشرعية اللي كانت في السوق السوداء بمعني انا معايا دولارات معروفة المصدر وجاية من تجارة أو استيراد وتصدير أو من حسابي الدولاري وقررت اتاجر بيها في السوق السودا عشان اكسب من فرق السعر والدولارات دي سهل ترجع البنوك تاني لأن مصدرها شرعي ومعروف والنوع التاني من الدولارات هو اللي عليه الكلام لأنها دولارات غير شرعية ومحدش عارف مصدرها ولأن مصدرها مجهول يبقي عس حصيلة نشاط غير قانوني وعشان كده كانت بتهرب من البنوك وبتروح السوق السودا ودي عامة دولارات بتكون مطاردة من أجهزة الأمن لأن زي ماقلنا مصدرها غير شريف.

فيه كمان نوع تالت من الدولارات كان في السوق السودا وهو الدولار المجمد والدولار المزيف والمجمد ده هو الدولار اللي ممنوع التعامل عليه وتم تجميد تداوله في السوق لانه مصدره غير شرعي بردو وبيكون متجمد في التعامل بالعالم كله اما الدولار المزيف فدا ظهر في هوجة الفوضى اللي كان فيها سوق العملة في السوق السودا وبسبب طمع وجشع التجار والمكاسب الغير طبيعية اللي كانوا بيحققوها وطبعا الدولار ده خلاص ملهوش لازمة ومايقدرش يظهر لأن القانون ييعاقب عليه.. ونرجع لسؤالنا الأساسي وهنقولك أن الدولارات اللي كانت في السوق السودا وملهاش مصدر معروف دي اللي مع تجار العملة دلوقتي ومش عارفين يعملوا بيها ايه  بسبب الرصد الأمني ليهم وكتير من تجار العملة حب يغسل الأموال في أنشطة مشروعة لكن تم القبض علي عدد كبير منهم واللي اشتروا عقارات وسيارات وفتحوا شركات لدرجة تم مرة ضبط قضية واحدة لغسل أموال السوق السودا ب400 مليون جنيه.