بعد الصفقة الكبرى.. هجوم خليجي على مصر.. يا ترى ايه اللى بيحصل؟
فى نهاية شهر فبراير اللى فات أعلن رئيس الحكومة مصطفى مدبولى تفاصيل الصفقة الكبرى بين مصر والامارات لتطوير منطقة رأس الخيمة واللى بموجبها مصر هتحصل على 35 مليار دولار الى جانب 35% من ابراح المشروعات اللى هتتعمل فى المنطقة.. وطبعا صفقة كبيرة وضخمة زي دي خلت كل المستثمرين فى منطقة الخليج يركزوا اهتمامهم على الفرض المتاحة فى مصر خصوصا وان الحكومة خدت كام اجراء مهم الفترة اللى فاتت لتحسن مناخح الاستثمار.. فيا ترى مين الدول الخليجية اللى عاوزة تيجي تستثمر فى مصر؟ وايه اكتر القطاعات المستحوذة على اهتمام الخلايجية؟
في اطار خططها للتغلب على ازمة نقص العملة الأجنبية وشح الدولار أدرجت الحكومة المصرية فى الأيام الأولى من 2023 أكتر من 30 شركة يمكن للمستثمرين المنافسة عليها لشراء حصص في قطاعات شملت وقتها التمويل، والنفط، والعقارات، والموانئ.
و من مارس 2023 كانت الإمارات الدولة العربية الوحيدة اللي تبعزز استثماراتها باستمرار وكانت أكبر مساهم في 2 من أكبر 3شركات مدرجة في مصر، "البنك التجاري الدولي" و"الشرقية للدخان".
وفى الفترة الأخيرة دخلت المملكة العربية السعودية على خط الاستثمار فى مصر وتحديدا من بعد 6 مارس اللى فات من بعد القرارات التاريخية بتحرير سعر صرف الجنيه وحاليا المملكة بتتفاوض مع الحكومة على عدد كبير من الصفقات بيتضمن شراء المصرف المتحد بالاضافة الى الاستثمار العمراني وفيه كلام كتير عن صفقة كبرى جديدة هيتم الاعلان عنها مع الجانب السعودي متعلقة بمنطقة رأس جميلة.
قطر هى كمان مش بعيدة عن اقتناص الفرص الاستثمارية فى مصر.. ومؤخرا أجرى صندوق الثروة السيادي القطري محادثات للاستحواذ على حصة الحكومة المصرية في شركة "فودافون مصر" للاتصالات
وبتعتبر السياحة واحدة من اهم القطاعات اللى بتحظى باهتمام كبير من مستثمري الخليج مع اعلان الحكومة المصرية خطط لزيادة أعداد السياح إلى 30 مليون سنوياً بحلول ن2030 مقارنة برقم قياسيي بلغ 14.9 مليون السنة اللى فاتت
الكويت هي كمان مهتمة جدا بالفرص الاستثمارية المتاحة فى مصر وبتحاول تفوز بتنفيذ عدد كبير من المشروعات .. والكويت هي تالت أكبر شريك تجاري لمصر بين الدول العربية بعد الإمارات والسعودية وفي المركز الخامس بقائمة أهم الدول المستثمرة في مصر بحسب البيانات الرسمية وكمان عدد المشروعات الاستثمارية المشتركة بين البلدين وصل لحوالي 1305 مشروع بحجم استثمارات أكتر من 4 مليار دولار تتوزع بين استثمارات في القطاع المالي والنفط والقطاع الصناعي والزراعة والتجارة.
وبتجاوز حجم استثمارات القطاع الخاص الكويتي في مصر 10 مليار دولار في مجالات السياحة والتمويل والصناعة والعقارات والزراعة والاتصالات وتكنولوجيا المعلومات والخدمات وبلغ عدد الشركات الكويتية العاملة في مصر تقريبا 1337 شركة بحسب البيانات الرسمية لسنة 2021.
