المال الخلجي يقلب موازين الاقتصاد المصري.. ولغز صعود الدولار.. وحدث خطير في الصاغة يوم 10 مايو
متابعينا الكرام في كل مكان أهلا بكم على منصات بانكير وتحليل جديد لأهم التقارير اللي قدمتها وحدة أبحاث بانكير على مدار اليوم الخميس
البداية مع تقرير مهمك حولين لغز الدولار في بنوك مصر.. وليه العملة الأمريكية رجعت ترفع تاني.
ورصد بانكير إنه فى الساعات الأخيرة اتفاجيء عملاء البنوك بعودة سعر الدولار في البنك المركزي وعدة بنوك تانية للارتفاع من جديد بعد فترة طويلة من الاستقرار جات بعد قرار التعويم.
وخلال التعاملات الأخيرة وفي أكبر بنكين في مصر سجل سعر صرف الدولار 47.92 جنيه للشراء، و48 جنيه للبيع
وفسر التقرير أسباب ارتفاع الدولار النهاردة وقال إنه وفقا لعدد كبير من الخبراء فحركة تغيير منحنى الدولار للأعلى في البنوك بيدل على إتباع البنك المركزي لسعر الصرف المرن وفقا لآليات العرض والطلب اللى اعلن عنه وفقا لاتفاقه مع صندوق النقد الدولي ومن المتوقع عودة سعر الدولار للتراجع بعد وصول التدفقات الدولارية اللي تعهد بيها الشركاء وصندوق النقد الدولي والبنك الدولي والاتحاد الأوروبي.
التقرير التالي اللي قدمته منصات بانكير كان بخصوص اللي بيحصل في الصاغة ومصير مبادرة المغتربين وتأثيرها على اسعار الدهب في الايام الجاية
وشرح التقرير إن اسعار الدهب رجعت للصعود مرة تانية بعد قرار الفدرالي الامريكي امبارح بتثبيت سعر الفايدة على الدولار وتخليه عن سياسة التشدد ورفع الفائدة ومع الاتجاه لخفضها في الاجتماعات الجاية وإن أي حديث عن خفض الدولار بيسبب ارتفاع في سعر الدهب بشكل كبير وفعلا ارتفعت اسعار الدهب عالميا النهاردة بعد سااعات من قرار الفدرالي..
ونبه التقرير في شرحه لسوق الدهب المصري لقرب انتهاء مبادرة السماح باستيراد الدهب بصحبة المصريين العائدين من الخارج بدون رسوم جمركية في 10 مايو 2024، وسط توقعات متضاربة حول مصير المبادرة واللي سمحت بدخول حوالي 4.5 طن دهب منذ إطلاق المبادرة في مايو 2023 بهدف ضبط سوق الصاغة..
التوقعات بتقول إن عدم تجديد المبادرة هيتسبب في نقص المعروض من الدهب وفي نفس الوقت انتشار اخبار سلبية عن الصاغة والعرض والطلب وعودة التلاعب في الصاغة وخاصة إنه لسه السوق مااستقرتش بشكل كبير وشفنا حالة الاضطراب والفوضي اللي كان فيها سوق الدهب الأيام اللي فاتت.
وحدة أبحاث بانكير قدمت كمان تقرير بخصوص اعتماد أول بنك رقمي في مصر وده بعد موافقة مجلس إدارة البنك المركزي المصري على منح شركة مصر للابتكار الرقمي الموافقة لإطلاق أول بنك رقمي.
وأعلنت الشركة النهاردة عن اسم البنك الرقمي وهو "وان بنك"و بيعتبر أول بنك رقمي في مصر يحصل على الموافقة المبدئية من البنك المركزي المصري.
والبنك الرقمي بيقدم كل الخدمات البنكية عن أون لايف وباستخدام أحدث تكنولوجيا المالية بدون الحاجة للذهاب لفروع البنك
التقرير الاخير معانا كان بيتكلم عن الاستثمارات الخليجية في مصر واللي متوقع تشهد طفرة كبيرة في الفترة الجاية.
وزي ما احنا عارفين الحكومة المصرية أدرجت فى الأيام الأولى من 2023 أكتر من 30 شركة للمستثرين لشراء حصص في قطاعات شملت وقتها التمويل، والنفط، والعقارات، والموانئ وده كان ضمن مخططات التعلب على أزمة نقص الدولار من ناحية ومن ناحية تانية تعظيم فرص القطاع الخاص في السوق المصري
و حسب التقرير كانت الإمارات الدولة العربية اللي عززت استثماراتها باستمرار وبقت أكبر مساهم في 2 من أكبر 3 شركات مدرجة في مصر وهي "البنك التجاري الدولي" و"الشرقية للدخان".
وبعد الامارات دخلت السعودية على خط الاستثمار فى مصر وتحديدا بعد التعويم وحاليا المملكة بتتفاوض مع الحكومة على عدد كبير من الصفقات بيتضمن شراء المصرف المتحد بالاضافة الى الاستثمار العمراني وفيه كلام كتير عن صفقة كبرى جديدة هيتم الاعلان عنها مع الجانب السعودي متعلقة بمنطقة رأس جميلة.
وسلط التقرير الضوء على اهتمام قطر بالفرص الاستثمارية فى مصر وقال إنه في الفترة الأخير أجرى صندوق الثروة السيادي القطري محادثات للاستحواذ على حصة الحكومة المصرية في شركة "فودافون مصر" للاتصالات
وبتعتبر السياحة واحدة من اهم القطاعات اللى بتحظى باهتمام كبير من مستثمري الخليج مع اعلان الحكومة المصرية خطط لزيادة أعداد السياح إلى 30 مليون سنوياً بحلول ن2030 مقارنة برقم قياسيي بلغ 14.9 مليون السنة اللى فاتت
الكويت هي كمان مهتمة جدا بالفرص الاستثمارية المتاحة فى مصر وبتحاول تفوز بتنفيذ عدد كبير من المشروعات .. والكويت هي تالت أكبر شريك تجاري لمصر بين الدول العربية بعد الإمارات والسعودية وفي المركز الخامس بقائمة أهم الدول المستثمرة في مصر بحسب البيانات الرسمية وكمان عدد المشروعات الاستثمارية المشتركة بين البلدين وصل لحوالي 1305 مشروع بحجم استثمارات أكتر من 4 مليار دولار تتوزع بين استثمارات في القطاع المالي والنفط والقطاع الصناعي والزراعة والتجارة.
