الدولار يفقد عرشه فى مصر.. إيه اللي حصل.. وليه الجنيه هيرجع في الوقت ده

ليه الدولار سعره بينزل فى البنوك الفترة الأخيرة؟ وايه مصير أسعار العملة الأمريكية قدام الجنية  الفترة الجاية . وليه العملة المصرية هتسترد قوتها خلال أقل من شهر؟ .. شوف الفيديو ده للآخر وهتعرفوا كل التفاصيل

فى الأيام اللى فاتت سعر الدولار بيواصل السقوط فى البنوك المصرية ولأول مرة من فترة طويلة هبط سعر العملة الأمريكية الى اقل من 48 جنيه وسط توقعات بمزيد من الهبوط خلال الأيام الجاية

بس يا ترى ليه الدولار سعره بيتراجع بالصورة الكبيرة دي فى البنوك ؟

هبوط أسعار الدولار حصل لأكتر من سبب وتقد تقول كده ان العملة الأمريكية تلقت ضربة ثلاثية قوية بسبب زيادة تحويلات المصريين من الخارج مع إقبال المصريين على بيع الدولار في البنوك وشركات الصرافة المعتمدة من البنك المركزي وكمان ده تزامن مع الضربات الأمنية المستمرة لأباطرة العملة بالسوق السودا .. فالمعروض من الدولار زاد ومع طبيق آليات السوق فى تسعير الجنية سعر الدولار نزل لأن زي ما كلنا عارفين كل المعروض من العملة الأمريكية زاد كل ما الطلب قل والأسعار نزلت

وخد بالك  الضربات الأمنية لعبت دور مهم جدا في القضاء على السوق الموازية و نجحت جهود قطاع الأمن العام بالاشتراك مع الإدارة العامة لمكافحة جرائم الأموال العامة ومديريات الأمن في ضبط عدد من قضايا "الإتجار" فى العملات الأجنبية المختلفة بأرقام كبيرة جدا ومع زيادة الملاحقات كل طيور الظلام اللى كانت شغالة فى السوق دخلت جحورها وبقت عمليات تنفيذ بيع وشراء النقد الأجنبي خارج القطاع المصرفي مش موجودة ده غير ان تحرير سعر الصرف وارتفاع سعر الدولار فى البنوك خلا الناس تروح تتنازل عن كميات كبيرة من العملة الأمريكية

وفى تصريحات ليه مؤخرا أكد  رئيس الوزراء مصطفى مدبولي استكمال مسار الإصلاح الاقتصادي واستعادة الثقة الكاملة وتوفير الموارد المطلوبة من النقد الأجنبي وجذب الاستثمارات الأجنبية.. ودي كلها عوامل بتقول ان الفوضى اللى كانت فى سوق الصرف انتهت بلا رجعة

طب ايه مؤشرات ان الجنيه راجع بقوة .. وسعر الدولار ممكن يوصل كام؟

فيه أكتر من مؤشر على عودة الجنيه لقوته وأهمهم طبعا التدفقات النقدية الدولارية اللى هتوصل مصر الايام الجاية واللى وفقا لتقديرات حكومية هتوصل لأكتر من 34 مليار دولار منهم 20 مليار دولار باقي صفقة راس الحكمة هيوصلوا مصر فى بداية الايام الاولى من شهر مايو بالاضافة الى تدفقات تانية من الاتحاد الاوربي والبنك الدولى ومؤسسات تمويل دولية تانية

ززفقا للتوقعات فسعر الدولار فى البنوك هينخفض انخفاض كبير مع وصول التدفقات دي والتقديرات بتقول ان السعر هيتراوح ما بين 40 الى 42 جنيه على أقصى تقدير