الأزمة انتهت والحكومة لقت الحل.. اعرف الدولة هتعمل لإيه فى أزمة قطع الكهربا

ازمة تخفيف الأحمال واحدة من اقوي المشاكل اللي بتقابل الحكومة في الوقت الحالي والحكومة بتحاول بكل الطرق انها تخلص من المشكلة دي في اقرب فرصة خصوصا بعد التحويلات الكبيرة من الدولار اللي دخلت خزينة البنك المركزي من الدولار من عوائد راس الحكمة وصندوق النقد الدولي.. ياتري اية الجديد في موضوع تحفيف الأحمال.. واية اللي هيحصل في شهور الصيف

ازمة تحفيف الأحمال واحدة من اقوي المشاكل اللي الحكومة شغالة عليها بكل قوة في الحالي علشان تحلها قبل دخول شهور الصيف واشتعال الأزمة وانها تكون اكبر من كده خصوصا ان موضوع قطع الكهرباء مضايق اغلب الشعب المصري وكل الناس زعلانة وبشكل كبير بسبب الموضوع ده.
علي مدار الشهر الجاري في اجتماعت كتيرة حصلت بين قيادات وزارة الكهرباء والبترول والثروة المعدنية علشان يشوفوا هيحلوا المشكلة دي ازاي، وهل وزارة البترول تقدر تأمن احتياجات محطات توليد الكهرباء خصوصا في شهور الصيف واللي هتكون فيه درجات الحرارة مرتفعة والناس هتكون محتاجة تشغل المرواح والتكييفات علشان تهدي درجات الحرارة شوية.
طيب اية اللي حصل في الاجتماعات بين قيادات وزارات الكهرباء والبترول والثروة المعدنية؟.
في الحقيقة الاجتماعات بين قيادات وزارة مثمرة وكان لها نتائح هتفرح الشعب المصري كله خصوصا ان وزارة البترول اعلنت عن قدرتها انها تامن احتياجات محطات توليد الكهرباء من الوقود والمازوت والغاز الطبيعي لتشغيل محطات توليد الكهرباء بكامل طاقتها وده هيكون من نصف شهر مايو اللي جاي او بداية شهر يونيو علي اقصي تقدير، والحاجات دي هتكون قبل ما حرارة شهور الصيف تشد والازمة تكبر اكتر من دلوقتي، وانه هيتم وقف جداول تخفيف الأحمال تماما ومش هيكون فيه قطع كهرباء تاني .
طيب من هنا لحد نصف شهر مايو او اول شهر يونيو اللي جاي اية اللي هيحصل؟.
علشان نكون عارفين ان وزارة الكهرباء لحد اللحظة دي متلزمة بجداول تخفيف الاحمالي اللي اعلنتها المحافظات بقطع الكهرباء لمدة ساعتين بالتبادل بين كل المناطق في الفترة من 11 صباحا ولحد الساعة 5 مساءا، ومفيش اي استثناءات علي اي منطقة الا لمحافظات معينة وهيا محافظات جنوب وشمال سيناء والبحر الأحمر ومرسي مطروح ومنطقة العلمين الجديدة والساحل الشمالي علشان مناطق سياحية وبتعتبر مناطق من مصادر الدخل الدولاري للدولة المصرية يعني بالعربي كده هتدخل عمله صعبة للبلد .
خطة تخفيف الأحمال استثنت مناطق معينة من خطة تخفيف الأحمال في المناطق الشعبية الجماهيرية اللي احنا عايشين فيها والمناطق دي اللي فيها مستشفيات ومناطق حيوية زي اقسام الشرطة والمناطق الاستراتيجية زي الوزارات والهيئات والمناطق الحكومية وغيرها من المناطق والهيئات اللي بتخدم الدولة والقطاع العام والهيئات اللي بتخدم المواطنين، زي عن كده مفيش اي مناطق تانية مستثناة من خطة تخفيف الاحمال، علشان كده ممكن تلاقي بيوت واي اماكن الكهرباء م هتقطع فيها وده بسبب ان المناطق دي موجودة علي محولات كهرباء موجود عليها مستشفيات او اقسام شرطة أو اي حاجة من الحاجات اللي قولنا عليها لحضراتكم من شوية واللي هيا مستثناة من خطة تخفيف الأحمال.