المركزي يتحرك في ملف الدولار.. ورسائل ساخنة من الرئيس.. ولقاء مهم لرئيس الحكومة

 
متابعينا الكرام أهلا وسهلا بكم ولابف جديد لأهم التقارير والتحليلات اللي قدمتها وحدة ابجاث بانكير على مدار اليوم النهاردة الأحد 

البداية هتكون مع حضراتكم من تحرك عاجل من البنك المركزي في ملف الدولار عمله البنك المركزي .. اللى هيطرح أذون خزانة بقيمة 980 مليون دولار لآجل 364 يوم بفايدة 5% والأذون دي هتكون متاحة للمستثمرين الأجانب وبتستهدفبصورة أكبرصناديق الاستثمار مع الأفراد

وسبب الطرح ده انه خلال 48 ساعة وتحديدا  يوم 30 أبريل هيحين موعد سداد مصر لأذون الخزانة اللي أصدرتها السنة اللى فاتت بقيمة مليار دولار، وفايدة 4.9‎% ..وأذون الخزانة دي  عبارة عن ديون قصيرة الأجل ما بيتجاوزش أجل استحقاقها سنة واحدة

ومع اقتراب موعد السداد قرر البنك المركزي إصدار أذون خزانة جديدة بقيمة  تصل لمليار دولار بفايدة 5%.

والخطوة اللي خدها البنك المركزي واللي بتتمثل في إصدار أذون خزانة جديدة بالدولار بقيمة تصل لمليار دولار، حصلت لأكتر من سبب أهمها تسديد ديون أذون الخزانة الدولارية وتوفير عملة صعبة فى ظل أزمة شح الدولار اللى الاقتصاد المصري بيعانى منها بقالوا سنتين وكمان لسد عجز الموازنة العامة

التقرير التالي معانا في تحليل النهاردة حولين الرسايل الهامة اللى وجهها الرئيس السيسي للمصريين خلال مشاركته فى افتتحا مركز البيانات والحوسبة السحابية الحكومية على طريق العين السخنة .. وكعادة الرئيس استغل الحدث ده ووجه مجموعة من الرسايل الهامة والحاسمة للمصريين

الرئيس أكد أكد انه تم صرف مبالغ كبيرة على رقمنة مدينة العدالة في العاصمة الإدارية الجديدة.

ورد “السيسي على سؤال المصريين حوالين أوجه الصرف القومي وقال : "ناس بتقول انتوا بتصرفوا كتير ليه.. أنا عندى خيار تاني.. يا نبقى زي مخاليق ربنا أو يبقى نبقى متخلفين.. خاصة إحنا دولة مش غنية".

ووجه الرئيس السيسي رسالة عتاب للأسر المصرية بسبب عدم الاهتمام بتطوير ثقافة الأبناء والطلاب في مجال الرقمنة وتحويل البيانات.

وقال “السيسي” :" اللى عليا بفضل الله سبحانة وتعالى بعمل اللى محدش يفكر فيه ..  ولو كنت مشيت على المسار العادي اللى قبل 2018 مكنتش هعمل الكلام الحالى خالص".

وواصل الرئيس كلامه وقال  :" ناس كتير تقول ملوش لازمة انتوا مش عايزينا نحلم لبلدنا وتاخد مكان فيه نمو حقيقي".

التقربر التالي اللي عرضته منصات بانكير كان بخصوص النجاح اللى حققتوا حملة مقاطعة اللحوام والفراخ

وقال التقرير ان الشعب طبق حكومة قالوها زمان، الحاجة اللي تغلي عليك استغني عنها، وده اللي عمله الشعب حاليا خصوصا مع السلع والمواد الغذائية اللي سعرها غلي عن اللزوم خصوصا ان مفيش حاجة بتدخل فيها مكون دولاري، وكانت البداية من حملات لمقاطعة الاسماك ومن محافظة الإسماعيلية وفعلا الحملة حققت نجاح ونجاح كتير جدا كمان والاسعار انخفضت هناك لاكثر من 50%، خصوصا ان المقاطعة دي عملت خساير كبيرة للتجار، وفي كميات كبيرة من الاسماك التجار اضطروا انهم يدفنوها بعد ما باظت وعفنت .
النجاح اللي حققته حملات مقاطعة الاسماك مقفش علي محافظة الاسماعيلية بس وحاليا انتقل لاغلب محافظات الجمهورية وموقفش كمان علي السمك بس، ده حاليا دخل وبشكل كبير علي اللحمة والفراخ وفي حملات كبيرة علي مواقع التواصل الإجتماعي والسويشال ميديا بمقاطعة اللحوم والاسماك والفراخ لمدة شهر مثلا او لحد ما اسعارهم تنزل وتكون في المعقول خصوصا ان اسعار الاعلاف واللي كانوا التجار بيرحموا اي زيادة في الاسعار عليها نزلت وبنسبة كبيرة كمان عن الاسعار اللي كانت موجودة من شهور فاتت، يعني مفيش داعي ان الاسعار تكون لسه رافعة وبالشكل ده.

التقرير الاخير اللي قدمته وحدة ابحاث بانكير واللي بيتكلم عن لقاء مهم بين رئيس الحكومة مصطفى مدبولي

اللى النهاردة وعلى هامش زيارته للمملكة العربية السعودية للمشاركة فى الجلسة الافتتاحية للاجتماع الخاص للمنتدى الاقتصادي العالمي اللي انطلقت فعالياته  بالعاصمة السعودية الرياض التقى كريستالينا جورجيفا، المدير العام لصندوق النقد الدولي

الدكتور مدبولي استغل اللقاء ده عشان يسشيد بالتعاون القائم بين الحكومة المصرية والصندوق واكد أن موافقة الصندوق على زيادة قيمة برنامج التمويل المُقدم لمصر بيعكس الثقة الكبيرة اللي بيحظى بيها الاقتصاد المصري لدى المؤسسة التمويلية العالمية.

من ناحيتها أكدت  كريستالينا جورجيفا دعم الصندوق  للدولة المصرية فيما تتخذه من إجراءات تستهدف الإصلاح الهيكلي للاقتصاد المصري وقالت ان الخطوات اللى اتاخدت كان ليها أثر ايجابي كبير على  الاقتصاد المصرى.

“جورجيفا” قالت ان تحديات تراجع النمو على المستوى العالمى وتفاوت معدلات النمو بين الدول بتُعلى من أهمية التعاون الدولى لتحقيق القدرة على تجاوز التحديات عبر زيادة معدلات النمو وتوزيع أفضل للثروات