ليلة السقوط الكبير فى سوق السيارات.. تخفيضات أسعار فوق النص مليون

يا ترى ايه الى بيحصل فى سوق السيارات فى مصر؟ وهل الأسعار بتنخفض فعلا ولا ده كلام جرايد زي ما بيقولوا ؟ وايه أنواع العربيات اللى نزلت بالفعل؟ وهل الوقت دلوقتى مناسب عشان تشترى ولا تنستنى شوية؟

لأول مرة من سنتين هبطت أسعار 18 علامة سيارات في السوق المصرية بنسب وصلت الى ما يقرب من 25% من يوم 6 مارس اللى فات ومن بعد القرارات الاستثنائية للبنك المركزي بعد سنتين من الارتفاعات الكبيرة  بسبب وقف الاستيراد وانخفاض المعروض نتيجة صعوبة تدبير العملة الأجنبية واللى دفع الأسعار للصعود 5 أضعاف من مارس 2022 ولغاية مارس 2024

ووفقا لكتير من المتعاملين فى السوق فسوق السيارات المصرية اتأثر بشكل ملحوظ بعد تحرير سعر الصرف، وشهدت أسعار معظم العلامات التجارية انخفاض بنسب تتراوح بين 14 و20%.

وزي ما كلنا عارفين معظم السيارات في السوق المصرية مستوردة بالكامل أو بيتم تجميعها محلياً وعشان كده استقرار السوق بعد تحرير سعر الصرف بدأ يظهر تأثيره بشكل إيجابي انعكس على الأسعار.. و بلغت قيمة التراجعات في أسعار السيارات ما بين 86 و590 ألف جنيه، في 18 علامة تجارية تتضمن نحو 43 طراز من موديلات 2024.

وهبطت أسعار "ستروين" الفرنسية بنسبة تصل إلى 19.5% بما يصل إلى نحو 500 ألف جنيه للسيارة الواحدة، فيما هبطت أسعار "سانج يونج" الكورية 22.7% بواقع 590 ألف جنيه.

وتراجعت  أسعار "جيتور" الصينية بنسبة 7% أي بنحو 110 آلاف جنيه، وانخفضت أيضاً أسعار سيارات "جاك" بنحو 16.6% بواقع 200 لبعض موديلاتها.

وانخفضت كمان أسعار "أوبل" الألمانية بنسبة 20% وبقيمة وصلت إلى 525 ألف جنيه، كما تراجعت "شيفروليه" كابتيفا 15% بواقع 270 ألف جنيه، و"جيلي" الصينية بنحو 14%.

وتراجعت أسعار "أم جي" بنحو 18%، و"بيجو" 17.5%، وبعض موديلات "سوزوكي" بنحو 12%، و"فيات" 20.9% و"سيات" بنحو 18% و"تويوتا" و"كوبرا" بنسبة 10% و"فورد" بـ6.8%، و"شيري" بنسبة تصل إلى 14.6%، و"هيونداي أكسنت" RB بنحو 16.4%

التخفيضات دي حصلت في وقت شهدت فيه سوق السيارات المصرية حالة واضحة من الاستقرار والرواج نتيجة تراجع الأسعار ومن المتوقع أن تساهم التخفيضات في تحفيز الطلب على السيارات الجديدة وزيادة نشاط السوق.

وتراجع عدد سيارات الركوب المباعة فى مصر خلال 2023 بنسبة 51% لتصل إلى 90.359 ألف سيارة، مقابل 184.771 ألف سيارة خلال 2022.