الحق فلوسك واشتري دهب بسرعة .. مفاجأة هتقلب الأوضاع.. وتحرك خطير لبنك مركزي كبير

يا ترى ايه اللى بيحصل فى سوق الدهب عالميا ؟ والأسعار رايحة على فين خلال الفترة الجاية؟ وهل الافضل شراء الدهب حاليا ولا بيعه ؟ وايه حكاية البنك المركزي الكبير اللي داخل يقش فى سوق الدهب؟

الأيام اللى فاتت فيه ارتباك كبير بيحصل فى سوق الدهب عالميا وسعر الأونصة بيشهد حالة من حالات عدم الاستقرار وحصل تراجع حاد فى سعر الدهب الاسبوع ده  بعد إغلاق التعاملات عند 2413 دولار للأونصة  يوم الجمعة اللى فاتت..  وهبط سعر الاونصة إلى أدنى مستوى ليه عند 2304.60 دولار يوم التلات وصعد صعود طفيف يوم الاربع ووصل الى  2329 دولار

ورغم التراجع اللى حاصل الا ان الخبراء شايفين ان فترة التصحيح انتهت وان الدولار هينطلق بأقصى سرعة خلال الشهور الجاية وهيوصل الى 3000 دولار خلال فترة قصيرة لأكتر من سبب اهمهم طبعا التوترات السياسية الكبيرة اللى بتحصل فى اكتر من مكان سواء بين امريكا والصين فى تايوان او بين اسرائيل والفلسطينيين وكمان مع دخول ايران على خط الأزمة واعلانها مهاجمة تل أبيب بالاضافة للي بيحصل من هجمات على السفن فى البحر الأحمر.

ومن بين العوامل اللى بترفع من أسهم ارتفاع وصعود الدهب الفترة الجاية دخول  البنك المركزي الصيني بقوة فى ملف الدهب وزيادة مشترياته بشكل مكش طبيعي خلال آخر 17 شهر واعلان مسئولى السياسة النقدية فى الصين زيادة احتياطيات الدهب بصورة اكبر الفترة الجاية

ولغاية دلوقتى بلغت حصة الدهب من إجمالي احتياطيات الصين 4.3% في مارس اللى فات ودي نسبة أقل بكتير من البنوك المركزية التانية والمتوسط العالمي لحياوة البنوك المركزية للدهب بيبلغ  13% وبتحتفظ الولايات المتحدة بنسبة 70% من احتياطياتها من الدهب.. وده تحديدا اللى مخلى الصين تتجه الى حيازة الدهب بكميات كبيرة الفترة اللى فاتت ومتوقع كمان الكميات تتضاعف وده هيزود الطلب على المعدن النمفيس ومع زيادة الطلب هيرتفع السعر

وبتتنافس الصين والهند عادة على لقب أكبر مشترٍي للدهب في العالم لكن ده اتغير السنة اللى فاتت مع تضخم الاستهلاك الصيني للمجوهرات والسبائك والعملات المعدنية إلى مستويات قياسية.

وارتفع الطلب على المجوهرات الدهبية في الصين بنسبة 10% بينما انخفض الطلب في الهند بنسبة 6%. وفي الوقت نفسه ارتفعت استثمارات الصين في السبائك والعملات المعدنية بنسبة 28%.

وبيواصل بنك الشعب الصيني  أو البنك المركزي الصيني موجة شراء لمدة 17 شهر على التوالي وهي أطول سلسلة من عمليات الشراء على الإطلاق وبيتطلع إلى تنويع احتياطياته بعيدا عن الدولار والتحوط ضد انخفاض قيمة العملة.

ورغم أن الصين بتستخرج دهب أكتر من أي دولة تانية إلا أنها لا تزال بحاجة إلى استيراد الكثير والكميات بتتزايد.

وفى آخر سنتين بلغ إجمالي المشتريات الخارجية أكتر من 2800 طن وده أكثر من كل المعدن اللي بيدعم أصول صناديق الاستثمار المتداولة في البورصة في كل أنحاء العالم

طب الكلام ده معناه ايه وهيأثر على سعر الدهب فى مصر ازاي ؟

وصول سعر الاوقية الى 3000 دولار معناه انه هيكون فيه ارتفاع فى سعر الاوقية الوادة ب 700 دولار يعني بحسبة بسيطة كد\ه الاوقية هتزيد حوالى 35 الف جنيه مرة واحدة وطبعا ده هيخلى سعر الدهب فى مصر يقفز قفزات تاريخية ومش بعيد نشوف ارقام زي 4 الاف و4 الاف ونص فى سعر الجرام عيار 21 فالأفضل لو معاك فلوس تلحق تشترى وكده كده الدهب عمره ما بيخسر خصوصا لو الفلوس اللى معاك انت مش محتاجها لفترة طويلة سنة على الاقل