لغز اختفاء ألبان الأطفال بالأسواق.. وصدمة أسعار الدواء

 
لبن الاطفال واحد من اقوي الحاجات واللي بتتعلق باغلب الاسر المصرية خصوصا اللي عندها اطفال رضع خصوصا بعد ارتفاع اسعار  البان الاطفال  بسبب الازمة اللي كانت بتمر بيها مصر من نقص العملات الاجنبية ومنها الدولار.. يا تري اية الجديد في ازمة نقص البان الاطفال.. وهل اسعار البان الاطفال هتنزل الفترة الجاية ولا اية الحكاية وايه قصة رفع سعر الدوا كمان 

الازمة الاقتصادية اللي مرت بيها مصر علي مدار شهور طويلة من نقص العملات الاجنبية كان لها انعكاسات كتيرة علي كل نواحي الحياة وكانت السبب الرئيسي في ارتفاع اسعار كل السلع اللي المواطن بيحتاجها في حياتها خصوصا الحاجات اللي بيدخل فيها منتج مستورد من الخارج زي الادوية والبان والأطفال وغيرها كتير وكتير من المنتاجات التانية.
المتابع للسوق المصري وخصوصا سوق الدواء هيعرف ان اغلب اصناف الادوية والبان الاطفال اسعارها ارتفعت وبشكل كبير يكاد يكون الارتفاع وصل لـ100% من اسعارها الحقيقة وده لسبب بسيط ان اغلب الأدوية داخل في تكوينها منتجات بتعتمد بشكل كامل علي الاستيراد من الخارج، ده غير الفلوس اللي بتحتاجها شركات الادوية للافراج الجمركي علي الادوية والالبان ده غير الاجراءات اللي قامت بيها الشركات والموردين والتجار لتعتطيش الاسواق ورفع الاسعار اكثر واكثر علي المواطن بهدف تحقيق مكاسب مادية شخصية بدون ما يكون في نظره للمواطن المريض اللي امس الحاجة للدواء أو علبة اللبن اللي بيحتاجها الطفل للغذاء.
طيب اية اللي حصل في سوق البان الأطفال في الفترة اللي فاتت؟.
في اسر كتير من الشعب المصري عندهم اطفال في سن الرضاعة بيحتاجوا لبن اطفال صناعي، وللاسف الفترة اللي فاتت كان في نقص في موضوع لبن الأطفال سواء اللي الدولة بتصرفه للمواطنين علي نفقة الدولة او اللي المواطن بيتشتريه من الصيدليات، والنقص ده خلي اسعار الالبان وصلت لارقام خيالية مكنش حد يتوقعها .
بعد نجاح الدولة في حل ازمة نقص العملات الاجنبية من الدولار وتوفير الدولار بسعره الرسمي في البنوك قدام كل الموردين والتجار بدأ يحصل نوع من الانخفاض في الاسعار، وبدأ كمان يظهر في السوق انواع كتيرة كانت ناقصة وبصورة كبيرة في الايام اللي فاتت، ده غير توفير نسبة كبيرة من الالبان اللي بتصرفها الدولة للمواطنين في الوحدات الصحية من الالبان المدعمة .
طيب مصر بتستورد البان اطفال اد اية سنويا ؟.
الدكتور على عوف رئيس شعبة الأدوية قال إن حجم استهلاك لبن الأطفال في مصر بيوصل لـ 50 مليون علبة سنويًا منها 25 مليون علبة، بتستوردها وزارة الصحة علشان توزيعها على المواطنين بموجب روشتة وكشف طبي علي الامهات اللي عندهم نقص في الرضاعة الطبيعية.
رئيس شعبة الادوية اتكلم وقال ان سوق الالبان في مصر فعلا فيه نقص في انواع محددة من البان الاطفال بس في بدايل كتيرة ممكن تأدي نفس الغرض وتدي للطفل نفس العناصر اللي موجودة في الانواع اللي ناقصة في السوق، وانه في خلال ايام قليلة هيكون كل الانواع الناقصة موجودة في السوق خصوصا بعد الدولة وفرت الدولار بشكل كامل قدام التجار والموردين علشان يجيبوا كل النواقص في السوق المصري مش بس الأدوية.
عوف اتكلم بكل صراحة وقال ان في شركات قدمت طلبات لهيئة الأدوية لزيادة أسعار الأدوية في الفترة اللي جاية خصوصا ان الأدوية داخل في تكوينها نسبة كبيرة من الحاجات اللي بتستورها الشركات من برا بالدولار .