قرار خطير من البنك المركزي.. إيه اللي هيحصل في مايو

ياترى البنك المركزي المصري ناوي على إيه في مايو اللي جاي وايه علاقته باسعار الفايدة وايه القرار المفاجأة اللي كل الناس مستنياه وياترة ايه اللي قالته المؤسسات الدولية.. تعالو نشوف التفاصيل في الفيديو ده.

زي ما احنا عارفين إن البنك المركزي خد قرارا مهمة في مارس اللي فات بتعويم الجنيه أو تحرير سعر الصرف ورفع سعر الفايدة 600 نقطة أساس أو 6 في المية ودي نسبة كبيرة جدا، في اجتماع استثنائي للجنة السياسة النقدية ليصل عائد الإيداع والإقراض لليلة واحدة وسعر العملية الرئيسية إلى 27.25%، 28.25% و27.75%، على الترتيب، كما رفع سعر الائتمان والخصم بالنسبة ذاتها ليصل إلى 27.75%، وهي أعلى زيادة في تاريخ قرارات رفع أسعار الفائدة.
ليه طيب بنتكلم عن سعر الفايدة دلوقتي.. عشان ببساطة لججنة السياسة النقدية بالبنك المركزي المفروض هتنعقد في مايو الجاي وفيها هيتحدد مصير سعر الفايدة وعشان كده اتفتح باب الجدل والتوقعات حولين قرار المركزي ساعتها زي مثلا
بنك جولدمان ساكس العالمي توقع في تقرير حديث ليه إن المركزي المصري هيخفض أسعار الفايدة بمقدار 2%، أو 200 نقطة أساس، خلال اجتماع لجنة السياسة النقدية في مايو.

كمان رجح البنك تراجع التضخم إلى 20% بنهاية النسة الحالية، وتوقع كمان إم العائدات على السندات هتفضل مستقرة على المدى القريب مع توقعات انخفاض التضخم وتراجع أسعار الفائدة في وقت لاحق من العام الجاري.

بالإضافة لده كله بيتوقع جولدمان ساكس خفض إصدارات الدين إلى 240 مليار جنيه شهرياً بالربع التاني من 2024، مقابل 604 مليار جنيه في المتوسط خلال الربع الأول.

والأهم بقي في اللي قاله البنك العالمي إن احتياجات مصر من التمويلات الخارجية هتتراجع إلى حد كبير في الربع التاني من العام الجاري بسبب التمويلات اللي حصلت عليها بالربع الأول، بالإضافة إلى عائدات صفقة رأس الحكمة، وبحسب تقديرات جولدمان ساكس، اقترضت مصر أكثر من احتياجاتها التمويلية بنحو 530 مليار جنيه في الربع الأول من العام الجاري، بالإضافة إلى حصولها على نحو 340 مليار جنيه قيمة القسط التاني من رأس الحكمة، وده كفيلة تغطي اي فجوة تمويلية.
توقعات ساكس مهمة جدا في الوقت دا لانها بتعدل البوصة وتصحح الزاوية للأسواق وبتقول إن مصر رايحة أكتر ناحية الاستقرار الاقتصادي وبتقول كمان إن الدولار في النازل وإن الجنيه طالع.. والأهم لو حصل تخفيض في اسعار الفايدة فده أكيد هيكون ليه تأثير ايجابي على الاقتراض من البنوك سواء للافراد أو الشركات وخاصة اللي بتعتمد على التمويلات الكبيرة من البنوك زي المطورين العقارين والمستوردين.