مصر رايحة في حتة تانية.. مشروع قناة السويس اللي هيقلب الموازين

يا ترى ايه اللى بيحصل فى منطقة قناة السويس؟ وايه المشروعات اللى بتتعمل هناك وتأثيرها إيه على ازمة نقص العملة اللى بتعانى منها مصر فى أخر سنتين؟ وايه حكاية اهتمام الصين بالتواجد فى مشروعات تنمية المنطقة الاقتصادية بالقناة؟

المنطقة الاقتصادية لقناة السويس بتشهد اهتمام كبير جدا من الشركات العالمية وصناديق الاستثمار الأجنبية لاستغلال الفرص المتاحة فى المنطقة والاستفادة من التسهيلات غير المسبوقة اللى بتقدمها الحكومة المصرية للمستثمرين الأجانب.. وخلال السنة اللى فاتت بس تمكنت المنطقة من جذب استثمارات تتجاوز 3 مليار دولار.. وخلال الفترة من  من يوليو2023 لحد مارس2024 جذبت منطقة قناة السويس 128 مشروع بالمناطق الصناعية والموانئ منها مشروعات حصلت على موافقات نهائية، ومشروعات حصلت على موافقات مبدئية.

ووفقا للأرقام الرسمية المعلنة حصلت الصين على نصيب الأسد من المشروعات الجديدة فى منطقة قناة السويس زحاليا بتمثل الاستثمارات الصينية حوالي40% من المشروعات فى مجالات متنوعة أهمها إنتاج الطاقة وصناعات السيارات ومواد البناء والمنسوجات والملابس وغيرها من القطاعات الصناعية والخدمية المستهدفة باستراتيجية المنطقة الاقتصادية لقناة السويس.

ومؤخرا وخلال مشاركة المنطقة الاقتصادية لقناة السويس بـ"مؤتمر التعاون والتبادل بين مصر والصين تم توقيع 14 اتفاقية لكبرى الشركات الصينية لإقامة العديد من المشروعات داخل مصر بمشاركة القطاع الخاص المصري… ومن الاتفاقيات المهمة فى الاطار ده اتفاقية تم توقيعها بين المطور الصناعي "تيدا-مصر" وشركة "شين فينج مينج القابضة المحدودة الصينية"، لإقامة مشروع لإنتاج ألياف الفيبر جلاس والبوليستر باستثمارات تصل إلى 800 مليون دولار، على مساحة تبلغ 600 ألف متر مربع في نطاق تيدا-مصر بمنطقة السخنة الصناعية المتكاملة.

وبتبلغ الطاقة الإنتاجية للمشروع نحو مليون طن سنويا، ومن المقرر أن تصل بالمرحلة الأولى إلى 300 ألف طن سنوياً، وهيبدأ الإنتاج في 2026.

كمان تم توقيع اتفاقية للتعاون الاستراتيجي بين "تيدا-مصر" وشركة "تشجيانج للطاقة الدولية المحدودة"، لبناء مركز لإمداد الطاقة بيتكون من محطة فرعية بقدرة 400 ميجاواطومحطة كهرباء تعمل بالغاز بقدرة 200 ميجاواط، ومحطة طاقة كهروضوئية بقدرة 100 ميجاواط، لتوفير إمدادات طاقة مستقرة ومتنوعة.

والاتفاقيات الجديدة بتترجم نجاح تجربة التعاون المصري الصيني في منطقة "تيدا-مصر" للتعاون الاقتصادي، اللي بيصل حجم الاستثمارات فيها لغاية دلوقتي لحوالي 2 مليار دولار، من خلال وجود 150 شركة في قطاعات صناعية ولوجستية متعددة