يادهب رايح على فين.. اوعي تغلط غلطة عمرك وشوف اللي بيحصل في الصاغة

 
 
إيه اخر أخبار الدهب وياترى ايه اللي بيحصل في الصاغة ولو معاك دهب أو عاوز تشتري تعمل ايه وامتي.. عشان ماتغلطش وترجع تندم شوف الفيديو ده للآخر .

الأحداث والصراعات في الشرق الأوسط وهي المنطقة الحيوية للعالم وبلغة الأرقام سوق الدهب عالميا رايح ناحية الصعود المستمر لأن أي أزمات دولية بترفع أسعار المعدن الأصفر تلقائيا بسبب زيادة عمليات شراء الدهب من البنوك المركزية والافراد للتحوط من اي آثار جانبية وهنا بيعتبر الدهب اكتر ملاذ آمن للاستثمار وحفظ قيمة الأموال.
نروح للغة الأرقام عالميا حسب آخر تحديثات عشان نعرف سعر الدهب في مصر رايح على فين.. اخر تقارير بتقول إن أسعار الدهب رايحة ناحية الصعود المستمر ودا ظهر من الارتفاع للأسبوع الرابع على التوالي، رغم  حالة التذبذب اللي سيطرت على تحركات الدهب من بداية الأسبوع اللي فات، وارتفع المعدن النفيس من بداية إبريل بنسبة 6.7% وبعدها ارتفاع آخر خلال مارس بنسبة 9.2%
وارتفع سعر الدهب الفوري لجولد بيليون بنسبة 0.3% ليتداول عند المستوى 2382 دولار للأونصة، وده بعد ارتفاع الطلب مطلع جلسة الجمعة ليسجل أعلى مستوى  عند 2417 دولارا للأونصة.
وحسب التوقعات الإغلاق في سعر الدهب الأسبوع اللي فات هيحدد ملامح السوق في الاسبوع الحالي وإن الإغلاق عن  المستوى 2400 دولار للأونصة هيشكل عامل دفع لاستمرار زيادة أسعار  الدهب فوق  2431 دولارا للأونصة وهو أقصى رقم صعده الاسبوع اللي فات.
طيب ده معناه ايه.. ببساطة كده معناه إن الدهب هيواصل الصعود عالمياً وخاصة بعد هجمات الكيان الإسرائيلي على ايران صباح الجمعة وده معناه إن الصراعات مرشحة للتصعيد وزي ما احنا عارفين اي زيادة في أسعار الدهب عالميا بيسمع على طول في سوق الدهب المصري ولو فضل أسعاره تزيد عالميا فأكيد سعره هيزيد في مصر وده بخلاف عوامل تانية بتحدد أسعار المعدن الأصفر في مصر زي العرض والطلب واسعار الدولار والقرارات الاقتصادية ومع وجود توقعات أصلا بوصول الدهب عالميا ل3 آلاف دولار للأسباب اللي قلنا عليها وضيف عليها اقتراب الفدرالي الأمريكي بتخفيض أسعار الفائدة على الدولار فمتوقع إن أسعار الدهب في مصر ترفع بشكل كبير خلال الأيام والشهور الجاية.
وفيه عامل تاني لفتنا النظر ليه هنا في بانكير قبل كده وهو اقتراب انتهاء موعد العمل بمبادرة دخول الدهب مع المغتربين دون جمارك وده معناه قلة متوقعة في المعروض واللي هيمثل أداة ضغط جديدة على أسعار الدهب.. وطالما الأمور كده يبقي طبيعي لو معاك دهب مخزنه للاستثمار ماتبعهوش دلوقتي وإلا هيبقي غلطت غلطة عمرك خاصه مع توقعات بوصول جرام الدهب 5700 جنيه بمقاييس توقعات الأسعار العالمية وفي نفس الوقت دي الأيام  المناسبة لشراء الدهب طالما سعره هيزيد