هدية بن سلمان.. هجوم سعودي بالمليارات على رأس جميلة

ايه الجديد في صفقة رأس جميلة وهل محمد بن سلمان منح الضوؤء الأخضر للمستثمريين السعوديين للاستثمار في المنطقة وهل فيه عروض اتقدمت فعلا.. يالا بينا نشوف التفاصيل .

بانكير لوفاكرين كانت أول وسيلة إعلام تتكلم عن صفقة رأس جميلة في وقت الناس كلها والإعلام كان بيتكلم بس عن صفقة رأس الحكمة مع الإمارات وانفرد بانكير ساعتها بتفاصيل المشروع الجديد اللي هيطرح على شواطيء جنوب سيناء وبنفكركم باللي قلناه ساعتها إن المشروع بيدرس من فترة وحجم استثماراته الأولية 20 مليار دولار وقلنا بردو إن السعودية هي المرشحة إنها تعمل المشروع السياحي الترفيهي الخدمي التجاري ده سواء بشكل مباشر عن طريق الصناديق السيادية أو عن طريق شركاتتها الكبيرة وبعدها تابعنا تفاصيل الصفقة ولما سكت الكلام عنها قالت الناس إن خلاص مفيش حاجة اسمها رأس جميلة لكن طلعنا هنا في بانكير بردو وقلنا ياجماعة الصفقة موجودة وبتدرس وبتتناقش مع كيانات سعودية اقتصادية ضخمة.. 
كويس أوووي طيب ايه اللي حصل بعدها.. زي ما توقعنا كانت فيه مباحثات ومناقشة تفاصيل كتيرة جدا بين شركات وكيانات سعودية كبيرة وبين هيئة الاستثمار في مصر وباقي الجهات المختصة للوصول لاتفاق والتعرف على طبيعة المشروع الضخم وطرق تسديد الاستثمارات وحاجات تانية كتيرة ليها صلة بالعلاقات التاريخية الكبيرة والقديمة بين مصر والسعودية.

الجديد بقي إنه حسب المعلومات المتاحة فيه تطورات جديدة تتعلق بمشروع تطوير واستثمار منطقة رأس جميلة، وزي ما احنا عارفينخ إنها منطقة قريبة جدا من مدينة شرم الشيخ وما أدراك ما شرم الشيخ، وو وزير قطاع الأعمال  الدكتور محمود عصمت كشف من ناحيته إن الوزارة هتختار مكتب استشاري عالمي لوضع التصميم اللازم استعدادا  لطرح أرض رأس جميلة للاستثمار على مساحة 860 ألف متر، وهى أرض تتبع وزارة قطاع الأعمال العام.

الملعومات بتقول إن مجموعة عجلان وإخوانه القابضة، ودي كيان اقتصادي ضخم جدا وصنفتها مجلة فوربس الشهيرة في المرتبة 32 ضمن أقوى 100 شركة عائلية عربية لسنة 2024،  هي أول كيان سعودي يقدم طلب للحكومة في مصر للاستفسار عن تفاصيل وتصور الدولة المصرية لمشروع رأس جميلة والأهداف والموارد التي تسعى الدولة المصرية للحصول عليها من وراء الصفقة.
عشان نبق عارفين برده الشركة اللي بتتكلم نيابة عن الطرف السعودي أصولها 10 مليار دولار  وشغال فيها 15 ألف موظف في أكتر من 25 دولة وعبر 75 شركة، وهي مش غريبة عن السوق المصري وعندها استثمارات قائمة فى السوق المصرية بحوالي 2 مليار دولار، ويبلغ إجمالى استثمارات المجموعة حاليا 15 مليار دولار.

المعلومات أكدت إن الشركة أكدت في خطابها إلى الحكومة، رغبتها في الاستثمار بالسوق المصري في الفترة الجاية، وعلى الاستثمارات اللي ترغب فيها بأرض رأس جميلة، من خلال إقامة مشروع سياحي متكامل عليها بسبب موقعا المتميز والمؤهلة بأن تصبح أحد أبرز الوجهات السياحية في المنطقة.
الشركة السعودية يعني مش بتسأل وبس بدليل إنها كشفت تفاصيل المشروه وإنها بجانب المشروع الساحي الضخم هتعمل سلسلة من الفنادق العالمية بعلامات تجارية شهيرة، وهتخلي المنطقة من أهم الوجهات السياحية في العالم..طبعا تتقدر تتخيل حجم الاستثمار هيكون كام مليار دولار.

الخلاصة شركة زي دي وفي مشروع زي رأس جميلة مش هيتم غير بتحفيز من القيادة السعودية واللي بتحرص دايما على دعم مصر وصفقة الحكمة وبعدها رأس جملة أفضل رد على إن العلاقات المصرية الخليجية أزلية وأخوية.