لو بتدور على تمليك.. بـ1100 جنيه امتلك شقة جديدة في 14 مدينة
طبعا الطرح الجديد لشقق الاسكان الإجتماعي واحد من الموضوعات اللي شاغلة بال ناس كتير جدا من المصريين، خصوصا ان في فئات كبيرة جدا ممعهاش الامكانيات انها تشتري شقة جديدة ولا حتي ايجار جديد ولا قديم وبقي الحل المناسب هو الإسكان الاجتماعي.. يا تري اية تفاصيل الطرح الجديد.. والمساحات اللي هتكون متوفرة ادي اية والاسعار كام.. خليكم معانا للأخر.
الظروف الاقتصادية اللي بتمر بها كتير من الدول ومنها مصر فرضت علي الناس ظروف اقتصادية صعبة، وخلت فيه ارتفاع كبير في اسعار السلع، والظروف دي طبعا انعكست علي اسعار العقارات واللي بقت فيها ارقام خيالية، وحاليا معظم الناس مش قادرين علي شراء الشقق السكنية أو دفع الايجار أو التقديم علي الشقق بنظام الايجار القديم أو الجديد خصوصا ان اقل شقة حاليا عايزة رقم ضخم .
طيب الحل اية بقي في الظروف اللي الناس عايشه فيها دي، والناس اللي مش عندها شقة تعمل اية؟.
الظروف الاقتصادية اللي عايشين فيها الناسن خلت الناس كلها حاليا في انتظار قرار وزارة الإسكان الإجتماعي بالاعلان عن طرح الإعلان الجديد رقم 18 لشقق الإسكان الإجتماعي واللي متوقع يكون في الاسابيع القليلة اللي جاية، خصوصا ان الشقق دي اسعارها بتكون في المتناول لاغلب الناس والمساحات بتاعتها بتكون معقولة بين 75 و 90 متر، ودي مناسبة لاغلب الناس منا.
طيب اسعارها كام الشقق دي واية المدن اللي هتكون موجودة فيها؟.
وتتراح مساحات شقق سكن لكل المصريين 2024 التي سيتم طرحها خلال الفترة المقبلة، ستتراوح بين 75 و90 مترًا.
وزارة الإسكان قالت ان أسعار شقق سكن لكل المصريين 2024 هتتراوح بين 350 ألف و500 ألف جنيه، وأن الأسعار هتختلف على حسب نسب التميز والمدينة المطروح فيها الوحدة، ومقدم حجز الوحدة السكنية في شقق سكن لكل المصريين 5 هيتراوح ما بين 25 ألف جنيه و30 ألف جنيه، والقسط هيكون حسب الدخل وعمر الشخص اللي هيحصل على الشقة، وهيبدأ من 1100 جنيه تقريبا وهيوصل لـ 2500 جنية، بشرط سداد 10% من قيمة الوحدة السكنية في صورة جدية الحجز ودفعة الاستلام، ومدة تقسيط الشقة هيكون ما بين 5 و 7 سنين كأقل مدة حتى 30 سنة كأقصى مدة، وسعر الفايدة على قرض التمويل العقاري لشقق شقق سكن لكل المصريين 5 مش هيتعدى 3%.
الوزارة كملت كلامها وقالت أن الطرح الجديد لشقق سكن لكل المصريين 5، هيكون موجودة في مدينة 6 أكتوبر الجديدة، وفي مدينة 15 مايو، ومدينة العبور الجديدة، ومدينة بدر، ومدينة حدائق العاصمة، ومدينة السادات، ومدينة برج العرب الجديدة، ومدينة الفيوم الجديدة، ومدينة بني سويف الجديدة، ومدينة سوهاج الجديدة، ومدينة أسيوط الجديدة، ومدينة أخميم الجديدة، ومدينة قنا الجديدة، ومدينة أسوان الجديدة.
طيب اية هيا شروط حجز الشقق الجديدة دي؟.
الإسكان حددت شروط حجز وحدات الإسكان الإجتماعي وهيا أن يكون سن المتقدم ميقلش عن 21 سنة وميزدتش عن 51 سنة، وأصحاب المعاشات ميزدتش سنهم عن 75 سنة كحد أقصى، ويكون المتقدم مستفادش من اي طرح من الدولة قبل كده سواء وحدات سكنية أو قطع أراضي، وتقديم إثبات دخل بحصوله على راتب ميقلش عن 2700 جنيه وميزدتش عن 7000 جنيه سواء كنت أعزب أو متزوج، واخيرا تقديم مستند الإقامة بما يتناسب مع الوحدات المتاحة بأقرب مدينة جديدة سواء محل الإقامة أو محل العمل.
اما عن المستندات المطلوبة للتقديم بالوزارة حددت شوية مستندات لقبول المتقدمين وهيا صورة من بطاقة الرقم القومي للمتقدم وزوجه وتكون سارية وتقديم قسيمة الزواج وتقديم شهادات ميلاد الأولاد لو عندهم ومستندات إثبات الدخل ويكون الدخل المذكور هو صافي الدخل الشهري للمتقدم للحجز وتقديم مفردات مرتب للزوجة، ولو مش شغاله تقدم اقرار بكده، ده غير تقديم إيصال سداد مقدم الحجز ومصروفات التسجيل اللي حصل عليه وقت السداد في البريد، واخيرا اي مستندات خاصة بمصادر الدخل الإضافية للمتقدمين.
