تعمل إيه لو حولت مبلغ على انستاباي والعملية اترفضت والفلوس اتخصمت حسابك وموصلتش؟

يا ترى إيه اللى ممكن تعملوا لو حولت  مبلغ على انستاباي والعملية اترفضت والفلوس اتخصمت من الحساب وموصلتش؟ وازاى ممكن تسترد فلوسك فى خلال 48 ساعة بس؟ وهل ممكن الفلوس تضيع عليك لو حصل الموقف ده معاك ؟

ناس كتير بتتعرض لبعض المشاكل وهما بيتعاملوا مع تطبيق انستاباي وبتواجههم بعض الصعوبات والتحديات اللى بيكونوا مش عارفين يتعاملوا معاها ازاى وفى الفيديو ده هنقولكم حل لواحدة من أكتر المشاكل اللى الناس بتسأل عنها وهى ازاى تتصرف لو حولت  مبلغ على انستاباي والعملية اترفضت والفلوس اتخصمت من الحساب وموصلتش للشخص اللى انت حلوت عليه الفلوس

ولازم فى البداية كده تعرف ان تطبيق انستاباي واحد من أهم تطبيقات ارسال واستقبال الأموال فى مصر وهو التطبيق الأكثر أمانا وده لأنه بيخضع لاشراف مباشر من البنك المركزي كمان التطبيق تقريبا فيه كل بنوك مصر باستثناء بعض البنوك اللى مش تابعة للبنك المركزي زي بنك ناصر مثلا وبعض البنوك التانية وفى فى السنين اللى فاتت التطبيق بيحظى باقبال كبير جدا وبيستخدمه الملايين فى ربوع مصر لتحويل الأموال واستقبالها وعشان كده انستاباي بيخضع لأعلى درجات التأمين للحفاظ على أموال الناس

نيجي بقا للسؤال المهم تعمل إيه لو حولت  مبلغ على انستاباي والعملية اترفضت والفلوس اتخصمت من الحساب وموصلتش؟

بص يا سيدي اول حاج لازم تعملها لو حصل معاك كده انك تكلم خدمة الدعم الافتراضي بتاعت الانستاباي وهيطلب منك شوية بيانات لازم تكون محضرهم زي اسم العميل اللى بعتلوا ورقمه وكمان الرقم المرجعي بتاع عملية التحويل بالاضافة لعبض البيانات الخاصة بيك

ولو كانت المعاملة مرفوضة على تطبيق إنستاباي فالبنك الخاص بيك هيقوم بإعادة الأموال لحظياً إلى حسابك ولو محصلش والبنك رد المبلغ لازم تتصل بخدمة العملاء بتاتع البنك اللى حولت من حسابك عنده وهتزود خدمة العملاء بالرقم المرجعي بتاع العملية

واطمن خلال 48 ساعة بالكتير فلوسك هتكون راجعة على حسابك طالما ما تمش تحويلها على حساب او محفظة المستلم او الشخص اللى انت حولت عليه الفلوس.

وازاى بيتم حماية بيانات مستخدم انستاباي؟

بما ان تطبيق إنستاباي هو أول تطبيق مرخص من البنك المركزي المصري لتقديم خدمة الدفع عبر شبكة المدفوعات اللحظية فالتعامل مع بيانات العملاء بيتم بطريقة آمنة وبيكفل التطبيق نظام تأمين بيانات العملاء ضد مخاطر الاستخدام غير المسئول والدخول غير المصرح به.

وآلية عمل التطبيق بتعتمد مبادئ النزاهة وتحديد الغرض من الحصول على البيانات وبالتالى التطبيق بيحصل على بيانات المستخدم لغرضين محددين هما

انشاء حساب للعميل أثناء عملية التسجيل زي الاسم، تاريخ الميلاد، النوع، البريد الإلكتروني ورقم المحمول وتنفيذ المعاملة وبتشمل قيمة التحويل واسم المستفيد.  

وفى كل الأحوال لا يمكن لإنستاباي الحصول او الوصول لاي بيانات سرية خاصة بالعميل