تقبل الله.. تفاصيل قرض الحج والرحلات من بنك مصر

خلص رمضان وداخل العيد الكبير ونفسك تزور بيت الله الحرام وتحج لكن الفلوس مش كفاية تعالي هنقولك تعمل إيه وتروح فين

في بنوك كتير في مصر بتقدم باقة مميزة من عروض القروض، ومن بينها قرض الرحلات والحج لأصحاب المهن الحرة وللموظفين، بأقل فائيدة وأعلى فترة سداد... لكن بنك مصر مميز في الجزئية دي من القروض وبخصوص تفاصيل قرض الرحلات والحج في بنك مصر 2024، وفقًا  المعلن عبر الموقع الرسمي للبنك فقرض الرحلات والحج لأصحاب المهن الحرة في بنك مصر تصل نسبة الفايدة على قرض الرحلات والحج 22.55 متناقصة، وبتوصل فترة سداد القرض إلى 5 سنين وبتوصل قيمة التمويل نحو 100.000 جنيه.

على فكرة قرض الحج والرحلات من بنك مصر بدون ضمان تحويل راتب وبتوصل الفايدة على قرض الحج للموظفين بدون ضمان تحويل مرتب نحو 20.5% متناقصة، وتصل فترة سداد القرض إلى 5 سنين، وبتوصل قيمة القرض 100.000 جنيه للرحلات، وبتوصل إلى 200 ألف جنيه في رحلات الحج فقط.
طيب لو الموظف هياد قرض الرحلات والحج بضمان تحويل المرتب في بنك مصر.. هنا بقي بتوصل نسبة الفايدة 19%، وبتوصل فترة سداد القرض إلى 6 سنين، بضمان تحويل راتب، وتبلغ قيمة القرض  100.000 جنيه.
طب بخصوص شروط قرض الرحلات والحج في بنك مصر.. شوف ياسيدي الشروك مش كتير ولا حاجة وأولها يكون الحد الأدنى لعمر المقترض 21 سنة، بينما يشترط أن يكون الحد الأدنى للدخل  3 آلاف جنيه.
لكن لازم فيه حاجة مهمة لو انت هتاخد قرض الرحلات أو الحج وهي إنك لو نويت تقدم على قرض إنك تقدم عليه بدري عشان الوقت وتلحق تصرفه قبل زحمة السفر والحج والاجراءات.
وغير بنك مصر فيه بنوك تانية طرحت تمويل للحج زي  والمصرف المتحد وفيصل الإسلامي المصري بفايدة 17 في المئة سنوياً وبمدد سداد أقصاها 10 أعوام ودي كانت في سنة 2023.
وقبل ما تروح البنك اسمع المفيد عشان الناس اللي بتقول قرض الحج حلال ولا حرام تقدر تدخل على صفحة لجنة الفتوى بمجمع البحوث الإسلامية التابع لمشيخة الأزهر فييسبوك واللي أفتت بجواز أداء العمرة بالتقسيط مع الشركات التي تقدم هذه الخدمة شرط القدرة على السداد، وأن لا يكون ذلك بالاستدانة، "فلا يستحب للإنسان أن يستدين للحج أو العمرة وأن من يفعل ذلك يكون بالأساس غير مستطيع وغير مطالب بالحج أو العمرة.