لو مهني حر شوف أفضل القروض في البنوك

لو أنت صاحب مهن حرة زي  الأطباء والمهندسين والمحامين، والمحاسبين والخبراء والمرشدين السياحين أو أي حد مهنته مش تجارية يقدر ياخد قرض ضخم من أي بنك عشان يوسع نشاطه او يشتري أجهزة أو مكتب.
وكل البنوك بتهتم بمنح القروض لاصحاب المهن عشان عددهم الضخم زي المصرف المتحد، واللي بيتيح قرض بفايدة من 17.5% إلى 18% متناقصة، والمدة من سنة إلى 7 سنين، وقيمة القرض من 10 آلاف جنيه إلى 2.5 مليون جنيه، والحد الأدنى للدخل 25 ألف جنيه، والعمل قائم بحد أدنى عامين.
كمان بنك التنمية الصناعية بيقدم أقل فايدة لقروض أصحاب المهن الحرة بقيمة 18% متناقصة.. ومدة القرض بتوصل 5 سنين وقيمة التمويل بتبدأ من 50 ألف جنيه إلى 500 ألف جنيه، وقيمة القسط 50% من الدخل الشهري بحسب ضوابط البنك المركزي.
أما القرض الشخصي في بنك قناة السويس لأصحاب المهن الحرة، فهو بفايدة 22.5% متناقصة، ومدته بتوصل إلى 5 سنين، وبيوصل لمليون جنيه، ومدة التمويل حتى 60 شهر، والحد الأدنى لصافي الدخل 15 ألف جنيه.