لسه جديد في انستاباي وحولت فلوس بالغلط.. تعالي نشوف الحل

زي ما احنا عارفين ناس كتير جدا بقت تستخدم تطبيق انستاباي التابع للبنك المركزي المصري واللي بيسمح بتحويلات لحظية للفلوس من الحسابات البنكية أو المحافظ الكاش وفيه ميزات ومعاملات البنوك لكن على الموبايل.
وفيه أوقات كتير ناس بتغلط وتبعت فلوس لأرقام أو حسابات تانية من غير ما تاخد بالها من رقم الموبايل للمحفظة المالية أو رقم الحساب وهنا بتحصل المشكلة.
عامة في البداية انت المسؤل الأول عن عملية التحويل وعشان كده التطبيق خطواته ساهلة وبيأكد عليك في كل خطوة عشان تراجع البيانات والحقيقة مفيش غير طريقة واحدة إنك تسترد بيها فلوسك وهي إنك تتواصل مع صاحب الرقم اللي حولته الفلوس بالغلط وتقنعه يبعتهالك لأن البنك مش بيتحمل أي مسئولية لان العملية انت اللي حولتها مش البنك.