النزيف مستمر… تطورات جديدة في أزمة تحويلات المصريين بالخارج
من فترة طويلة وفيه أزمة كبيرة ومستمرة في تحويلات المصريين بالخارج وفيه تراجع كبير في مورد مهم من موارد الدولار الأساسية.. وبيحاول البنكوالمركزي وصناع السياسة النقدية حل الأزمة من خلال تقديم حوافز للمغتربين لعودة الثقة في القطاع المصرفي ووقف نزيف الدولار ومنع وصول تحويلات المصريينةفي الخارج إلى السوق السودا للعملات الأجنبية.. وفي الساعات الأخيرة حصل تطور جديد في الملف … فية ترى ايه اللي بيحصل؟ وليه تحويلات المصريين مستمرة في التراجع ؟
وفقا لبيانات ،سمية صادرة عن البنك المركزي المصري تراجعت تحويلات المصريين العاملين في الخارج بنسبة 21.2% لتصل إلى 9.4 مليار دولار خلال النص الأول من السنة المالية 2023-2024 مقابل 12 مليار دولار في الفترة نفسها السنة اللي فاتت
المركزي أكد في منشور على موقعه الإلكتروني ان إيرادات رسوم المرور في قناة السويس زادت 20.7% إلى نحو 4.8 مليار دولار مقابل 4 مليار دولار السنة اللي فاتت، وارتفعت إيرادات قطاع السياحة 6.1% إلى نحو 7.8 مليار دولار مقابل 7.3 مليار دولار.
وتفاقم عجز المعاملات الجارية إلى نحو 9.6 مليار دولار في الفترة المذكورة مقابل نحو 1.8 مليار دولار قبل سنة من دلوقتي.
وسجلت مصر عجز كل في ميزان المدفوعات بقيمة 409.6 مليون دولار خلال النص الأول من السنة المالية الحالية مقابل تحقيق فائض كلي قدره 599.1 مليون دولار في الفترة نفسها من السنة المالية اللي فاتت
وارتفع العجز في الميزان التجاري خلال النص الأول من السنة المالية الحالية 20% ووصل إلى نحو 18.7 مليار دولار.
طب ايه السبب في أزمة تراجع تحويلات المصريين في الخارج؟
السبب الأساسي كان نقص العملات الاجنبية ووجود اكتر من سعر الدولار وفيه عصابات عملة دخلت على الخط وبدأت تستول عل. فلوس المغتربين وبقت بتاخد الدولار منهم من بره بره وبتسلم أهلهم الفلوس هنا بالمصري لكن من بعد تحرير سعر صرف الجنيه في ٦ مارس اللي فات الوضع اختلف تماما والتحويلات على البنوك زادت بشكل ملحوظ وهتسمع الفترة الجاية في تقرير البنك المركزي عن الربع التالت من السنة المالية 2023/2024.
