بوابة مليارات وكنز لا يقدر بثمن.. رحلة دفن الدولار

ايه القطاعات الاقتصادية اللي هتقضي على الدولار في مصر.. وايه هي خطة الدولة عشان تخلص من صداع الاسعار والتضخم والأزمات وتوصل للوفرة.. تعالو نشوف ايه الحكاية

لو بصينا على أغلب الدول المتقدمة هنلاقي إنها اتقدمت وحققت الوفرة لشعوبها والثروات للبلد من قطاع أساسي اتفوقت فيه وكل دولة بقت بتملك أساراره وده اللي خلاها دول عظمي ومتفوقة اقتصاديا وعندها شركات بتريليونات الدولارات وهو قطاع التكنولوجيا بأنواعها سواء تكنولوجيا الصناعة بكل أنواعها أو الزراعة أو الإلكترونيا ت والتسويق الالكتروني والتطبيقات وصولا لتكنولوجيا المعلومات والذكاء الاصطناعي وقطاع التكنولوجيا هو اللي خلى أمريكا القطب الأوحد في الاقتصاد العالمي وهزمت الصين في حرب الرقائق بس فما بلك ببقية الصناعات التكنولوجيا وألمانيا سادت سوق السيارات بفضل تكنولوجيا مرسيدس وبي إم دبليو واليابان بالأجهزة الكهربائية وهكذا.

عشان كده خبراء الاقتصاد شايفين إن قطاع التكنولوحيا هو الحصان الرابح للاقتصاد المصري في الفترة الجاية ومصر مش هتبتدي فيه من الصفر بالعكس دي بدأت فيه فعلا ودربت كوادر وأسس لقطاع ينطلق صح في المستقبل وبلغة الأرقام سجّلت صادرات التكنولوجيا المصرية في 2023 حوالي 6.2 مليار دولار،ودي مجرد البداية والحكومة بتخطط توصل بيه لـ 9 مليار دولار خلال 2026 والقفز إلى 14 مليار دولار بحلول 2030 .
طيب ايه المميزات عند مصر يخليها تنطلق أكتر في القطاع الحساس ده.. شوف حضرتك أهم حاجة في القطاع ده هو العامل البشري لأنه بيعتمد على العلم والابتكار ومصر مليانة شباب محترفين في القطاع ده تحديدا وفيه مصريين شغالين وبيديروأ أكبر الشركات المصرية ولو متعرفش معلومة هنقولك إن 70 في المية من المعاملات الإلكترونية في امازون عملاق التسويق الالكتروني حولين العالم بتم بعقول مصرية وليهم مقر في مدينة نصر يعني أغلب التعاملات الالكترونية لأمازون في العالم كله بيديرها  مصريين وبواسطة مقر في مصر ودي معلومة كشفها رئيس شركة تكنولوجيا مصرية لما بيسألوه عن الشباب المصري في برنامج تلفزيوني وقال كمان إن مصر عندها كنوز من الشباب بتطلعهم الجامعات المصرية كل سنة وقادرين يغزو العالم وفجر المفاجأة بتاعة أمازون وقال إن فيه مصريين كتير في شركات تكنولوجيا في أمريكا وألمانيا تحديدا يعني انت كبلد عندك أهم عنصر في صناعة التكنولوجيا بأنواعها .

الجديد بقي مصر عندها قدرة كبيرة على تصميم البرامج الإلكترونية واللي بتعتبر عقل الصناعات الإلكترونية بسبب توافر العنصر البشري المدرب والعالي الكفاءة، وإن المرحلة الجاية اللي بتخطط لها الدول هي مرحلة ضخ الاستثمارات في المكون الصناعي التكنولوجي ودي خطوة هتكون على المدى الطويل.
الخلاصة إن مصر لو ركزت أكتر على القطاع ده فممكن وأكيد يكون بوابة لمليارات الدولارات كل سنة وبجانب قطاعات تانية بردوا منطلقة الدولار في مصر مش هيكون ليه قيمة قدام الجنيه وهتكون بداية النهاية الحقيقية لسيطرته وساعتها هنقدر نحس حقيقي بانخفاض الأسعار ونهاية التضخم لان هيكون فيه تدفقات دولارية مهولة وده مش حلم لكن واقع وبيحصل على الأرض.