هبوط حاد يضرب سوق السيارات الزيرو.. والمستعمل هينزل النص.. ودي أفضل الأوقات للشراء.. اوعي تستعجل ويضحكوا عليك بالعروض

ايه اللي بيحصل في سوق السيارات زيرو ومستعمل وليه مش وقته خالص تشتري وإيه حكاية التخفيضات والعروض الوهمية وليه التجار عاوزين يبيعو بأي شكل دلوقتي.. خليك معانا وقرر بعد ما تشوف الفيديو دا
فاااصل
لو عاوزين نعرف اللي بيحصل دلوقتي في سوق السيارات في مصر يبقي لازم نرجع شويتين لورا لما ظهرت السوق السودا للدولار لأسباب كلنا عارفينها وقل استيراد السيارات بشكل كبير والنتيجة قفزت اسعار السيارات لأرقام فلكية وحصل ركود طبعا في السوق لأن مين هيشتري عربية كان تمنها زيرو بـ300 ألف جنيه بمليون ونص ودي العربية العادية فمابلك بالعربيات الفارهرة زي المرسيد والبي إم دبليو والشيروكي والدفع الرباعي والتيوتا والراند روفر واللي بقت حكر على المليارديرات بس.
فضل السوق على كده لكن فيه تفصيلة مهمة جدا مش لازم تفوتنا عشان نفهم سوق السيارات رايح على فين وهي إن تجار السياارت الكبار كان عندهم مخزون ضخم من العربيات في مخازنهم قبل ظهور أزمة الدولار مباشرة وفورا راحوا مخزنين السيارات وقفلو المعارض عشان دي فرصتهم في رفع الاسعار والمكسب الضخم بحجة ارتفاع سعر الدولار.. ومن هنا جت الأسعار الفلكية وبقي مكسب التاجر في السيارة الواحدة يساوي مكسبه في مركب سيارات وفي نفس الوقت عنده في المخازن كتير.
طيب ايه اللي حصل بعدها.. زي ما احنا عارفين جت صفقة رأس الحكمة وبعدها ضربة المركزي بتعويم الجنيه وكل ده نزل زي الخراب المستعجل على التجار لأنه ببساطة حل أزمة الدولار وانتهاء السوق السودا وتوفير العملات للمستوردين معناه فتح باب الاستيراد للسيارات الجديدة وموديل السنة وبكده تبقي السيارات اللي خزنوها سوقها هيوقف ومن هنا لجأ التجار لحيلة خفض الأوفر برايس وده المبالغ الضخمة اللي زودوها على سعر السيارة العادي ودولوقتي بيتم الاعلان عن تخفيضات كبيرة في سعر السيارة لكن الحقيقة إنه بيخفض من الزيادة للي هو حطاه على السعر الأصلي وعشان كده لسه أسعار السياارات غالية رغم إن التخفيض على الاوفر برايس وصل 500 ألف جنيه في بعض الفئات.
طيب تجار السوق المحترمين بيقولو إيه.. شوف ياسيدي كل التجار دول أجمعوا إن الأيام اللي جاية هيحصل انخفاض كبير في أسعار السيارات اللي في السوق زيرو ومستعمل وفي المستعمل أكتر بكتير وهنشوف أسعار زمان لأن ده حكم السوق وإن التجار بعد فتح باب الاستيراد هيضطروا يتخلصوا من السبارات اللي عندهم عشان الموديل بتاعها هيقدم وسعرها هينزل أكتر وهيتوقع عليه بخسارة يعني اللي كسبه باليمين هيخسره بالشمال.

وعشان كده التجار بينصحوا اي حد عاوز يشتري عربية إنه يصبر لغاية نص السنة وبعدها هيشوف تخفيضات كبيرة سواء في المستعمل ولا الزيرو وهتوصل النسبة ل30 و40% عن اسعار دلوقتي وان الموديلات الجديدة هتسكر موجة الأسعار المرتفعة، وبالتالي فيه موجة تخفيضات كبيرة جاية في الطريق فياريت كلنا نستني لأنه ده في مصلحتك أولا.