لو عاوز تحول فلوس أيام أجازة البنوك في العيد.. شوف الفيديو ده

مع قرار البنك المركزي بتعطيل العمل في البنوك العاملة في مصر من يوم التلات ١١ ابريل لفاية يوم الاحد ١٤  ابريل بمناسبة عيد الفطر المبارك، فيه ناس كتير بتسال ازاى احول فلوس خلال فترة أجازة البنوك؟ وايه اسرع وسيلة اعمل بيها كده؟ 
وفى الفيديو ده هنقولك أبرز 4 طرق لتحويل الفلوس خلال إجازة العيد
 

تقدر تحول المبالغ اللى محتاجها من خلال تطبيق انستاباي اللى بيخضع لاشراف البنك المركزي ومشترك فيه عدد كبير جدا من البنوك والميزة ان المبلغ بيسمع في حساب اللى بتبعتلوا في نفس اللحظة ويقدر يسحب الفلوس من اى ماكينة صراف الى في اى وقت

وتانى حاجة تقدر تعمل كده من خلال حدمة فودافون كاش 
وبيتم استخدام خدمة المحفظة الإلكترونية فوادفون كاش، لتحويل الأموال في أي وقت باستخدام الهاتف، ويمكن تحويل الأموال بحد أدني 5 جنيهات و حد أقصى 30.000 جنيه.

ورسوم السحب 2% من المبلغ المراد سحبه عند سحب أي مبلغ ما بين 5 و 150 جنيه، وعند سحب أي مبلغ أكثر من 150 جنيه يخصم 2 % من قيمة المبلغ. 
وتقدر تحول كمان من خلال خدمة أورانج كاش
اللى بتتيح تحويل الأموال وسحبها ودفع الفواتير وشحن الرصيد، ويمكن الاشتراك في الخدمة من خلال أي فرع للشركة، وهتوصلك رسالة تحتوى على رقم سري يجب تغييره قبل البدء في استخدام الخدمة، ويجب أن يكون المشترك حامل لبطاقة الرقم القومي سارية وخط اورنچ مسجل باسمه.
و يحق للعميل فتح 3 محافظ علي 3 أرقام مختلفة، وحد السحب اليومي للحساب الواحد من ماكينات الصراف الآلي 20.000 جنيه، وحد السحب اليومي من المنافذ المختلفة 30.000 جنيه.
مستخدمي خدمة اتصالات كاش، يقدروا هما كمان يحولوا  الأموال باستخدام الهاتف لأي رقم في مصر، ويمكن استخدامها لتسديد الفاتورة أو شحن الرصيد، ويمكن الاشتراك في الخدمة من أحد فروع الشركة، ووضع رقم سري، وباستخدام الرقم السري يمكن التحويل.  
والتطبيق متاح 24 ساعة، ورسوم الخدمة 1% من قيمة أي سحب كاش عند السحب من فرع اتصالات و 0.4 % من إجمالي المبلغ في حاله السحب من ماكينات الصراف الآلي ATM، ولا يوجد رسوم للتحويل لأي محفظة في مصر، أو للإيداع أو الشحن.