لو نفسك تشتري موبايل جديد ومش معاك فلوسه.. لازم تشوف الفيديو ده

نفسك تشتري موبايل ومش معاك فلوس.. عاوز شاشة او لاب توب بس العين بصيرة والايد قصيرة.. محتاري توفري تمن التلاجة او عاوزة تجيبي بوتاجاز جديد.. لو انت واحد من دول هنقول ازاي تشتري اللي نفسك فيه وتدفع براحتك وكمان من غير فوايد

إقبال كبير من المواطنين الفترة دي على بطاقات الائتمان أو "الكريدت كارد"، واللى بتساهم فى أن عملاء كتير جدًا بيشتروا منتجاي ت وسلع بأسعار فى المتناول وكمان بالتقسيط . وفي الفيديو ده هنقولكم ايه أبرز البنوك اللى بتقدم بطاقات ائتمان واللى بيكون عليها تقسيط.

وبطاقات الائتمان دي مريحة جدًا، لأن من خلالها تقدر تشتري أى منتج أو سلعة واللي بيوفر عليك مجهود وتعب وكمان التجار اللى بتكون متعاقدة مع البنوك بيقدموا خصومات وفترات سداد مريحة جدا على السلع المعمرة.

وأول بنك بيقدم مميزات هايلة على بطاقات الائتمان هو البنك التجاري الدولي، واللى بيسمح بالتقسيط على المنتجات لمدة سنة كاملة، وكمان من غير ولا مليم فوائد.. لكن فى حالة أن العميل عدى 55 يوم وماسددش الأقساط، فنسبة الفايدة اللى هاتقع عليه هاتكون فى حدود 3%... والكارت بيتم إصداره بضمان شهادة استثمار او فيزا المرتب و بيصل الحد الائتماني فيها الى 95% من إجمالي قيمة الشهادة.

وبحد أدنى 3 آلاف جنيه دخل شهري، تقدر يكون عندك بطاقة ائتمان من البنك الأهلي المصري، واللي بيسمح بالتقسيط بدون فوائد لمدة بتوصل لسنة، ونسبة الفايدة فى حالة اتأخرت عن السداد بيكون 2.25% على إجمالي مبلغ المشتريات.

وفى بنك مصر، تقدر تشتري منتجات من التجار اللى متعاقد معاها البنك، وبتقسيط مريح ومن غير أى فوايد، وفى حالة تخلف العميل على السداد فنسبة الفايدة اللى هاتتطبق عليك هاتكون من 2% وحتى 2.3%.

بنك الامارات دبي الوطنى هو كمان بيقدم واحدة من أهم بطاقات الخصم المباشر اللى من خلالها تقدر تشترى كل اللى نفسك فيه وتدفع براحتك ومن مميزات البطاقة التمتع بفترة سماح بدون فوائد تصل إلى ٥٧ يوم على مشترياتك والاستفادة بخصومات مصممة خصيصاً وعروض في أكثر من ١٠٠ تاجر في جميع أنحاء مصر المسجلين في بوكيه التوفير بالإضافة إلى بوكيه التوفير الدولي في الإمارات العربية المتحدة وتقدر تستبدال النقاط في معاملات الشراء من أي مكان وفي أي وقت عن طريق برنامج بوينت بلس

دي كانت ابرز انظمة التقسيط على فيزا المشتريات في عدد من البنوك المصرية استنونا في خدمات بنكية جديدة..وكل سنة وحضراتكم طيبين