هتنزل نص التمن.. انهيار مرتقب في أسعار السيارات شوف التفاصيل

اوعي تشتري عربية دلوقتي.. استني شوية وشوف الفيديو ده للأخر.. ايه اللي هيحصل في يونيو الجاي وليه لازم تستني

زي ما احنا عارفين سوق السيارات في حالة ارتباك وترقب من شهور طويلة بسبب توقف النشاط تقريبا وهبوط المبيعات 85% مرة واحدة في ذروة أزمة نقص الدولار بسبب التطورات السريعة وبداية عودة الروح للسوق مع تعويم الجنيه وتحرير سعر الصرف كاملة وهبوط الدولار من 74 جنيه  بالسوق السوداء إلى 47 جنيه في البنوك وزوال السوق الموازية الوضع اختلف تماما.
وزي بردوا ما شفنا انخفاضات كبيرة في أسعار السياررات والأوفر برايس على مدار الأيام اللي فاتت واللي تراوحت ما بين 100 ألف جنيه و750 ألف جنيه لكن لسه فيه كلام كتير وتوقعات إن أسعار السيارات هتنزل بشكل كبير وممكن نسبة التخفيض توصل 50% مرة واحدة وعشان كده بنقولك ما تستعجلش على رزقك واصبر شوية.
طيب ايه خلانا نقول إن اسعار السيارات هتنزل بالشكل الكبير ده وأمتي.. شوف حضرتك ده كلام خبراء سوق السيارات وتوقعات التجار كمان واللي شايفين إن الأسعار هتنزل بشكل كبير في الفترة الجاية وتحديدا في يوليو بسبب نزول موديلات 2025 ودا هيخلي التجار تلحق وتحاول تتخلص من المخزون الراكد عندها الفترة اللي فاتت بسبب المغالاة في الأسعار عشان أزمة الدولار والاوفر برايس وقلة الاستيراد وقتها لكن دلوقتي السوق فتح والتجار اتعاقدوا فعلا على موديلات السنة وبالتالي الموديلات الزيزو الموجودة عند التجار سعرها هينزل الأرض.
كمان فيه توقعات قوية بتقول إن سعر الدولار هينزل في نفس الفترة اللي قلنا عليها بسب وفرة المعروض وإنه هينزل لمستوى 40 جنيه وممكن أقل كمان ودا هيوفر على مستوردي السيارات وفي نفس الوقت مش هيخليهم يرفعوا الأسعار من تاني.
ومش كده وبس فيه حاجة أهم هتخلي العربيات سعرها ينزل وهي تغير ثقافة الناس واللي بدأت تفهم أليات السوق وحركة البيع والشرا والبدايل المطروحة ودا الناس اتعلمته على مدار السنة اللي فاتت كلها ورغم ناس كتير محتاجة عربيات لكن الناس هتصبر شوية وهتقول مجتش من شهر ولا شهرين طاالما شايفين إن الاسعار هتنزل وده تكفير اقتصادي سليم جد وهيقلل اللهفة على السوق بالبلدي كده والعقل والمنطق بيقول اشتري لما السوق يرتاح وملامح السوق تبان.

ومش عاوزين ننسى إن انخفاض قيمة السيارات الجديدة بيكون ليه تأثير كبير على اسعار السيارات كسر الزيرو والمستعمل واللي سعرهم هينزل الارض حرفيا وفيه ناس كتير نفسها في عربية استعمال كويس وبحالتها وفي نفس الوقت ما يدفعش فيها مبلغ كبير وسوق السيارات المستعمل سوق ضخم جدا في مصر وأكيد انخفاض اسعار الزيرو هيكون ليه تأثير مباشر عليه.
القصد من كلامنها إن العجلة خلاص دارت والحركة اشتغلت وكل التجار بينصحوا اي حد عاوز يشتري عربية إنه يستني شوية عشان يستفاد بفارق الاسعار وكمان الحاجة المهمة اللي عاوزين ننبه ليها حضراتكم هي إن اي سوق بياخد وقت عشان يرجع لطبيعته ويكفي الطلب اللي عليه وفي سوق السيارات وبسبب الظروف اللي كلنا عارفينخا مكنش فيه بيع ولاشرا لفترة طويلة وده خلق طلب كبير جدا على السيارات مقابل نقص المعروض أو تحديدا السوق كان واقف حرفيا.

طيب ايه المطلوب منك دلوقتي... مفيش غير إن حضرتك تتابع السوق كويس وتشوف الموديلات اللي نازلة والأسعار وتابع الدولار وفي الوقت المناسب تقدر تشتري عربيتك وانت مطمن.