لو بتفكر تشتري دهب.. ليه لازم تشتري النهاردة قبل بكره.. وايه اللى هيحصل قبل نهاية 2024
لو حضرتك ناويس تشترى دهب وبتفكر تستثمر فلوسك فى المعدن النفيس فنصيحة خد القرار بسرعة وانزل اشترى بالفلوس اللى معاك.. ليه بنقولك كده وايه اللى هيحصل الايام الجاية؟ وسعر الدهب عالميا رايح فين ده اللى هنقولك عليه فى الفيديو ده
الدهب هو أكتر ملاذ آمن الناس بتلجأ ليه فى وقت الأزمات ومع اشتعال الصراعات العسكرية وعشان كده فى اخر سنتين ومن بعد اندلاع الحرب الروسية الاوكرانية فيه نهم شديد عند المستثمرين والناس العادية وحتى البنوك المركزية لاقتناء كميات كبيرة من الدهب ووضع المدخرات فى سبايك او مشغولات وده خلا أسعار المعدن النفيس تقفز قفزات جنونية
وفى الساعات اللى فاتت ارتفع سعر الدهب عالميا إلى مستوى قياسي جديد وواصل ارتفاعه المستمر لمدة أسبوع بعد ما أكد رئيس الاحتياطي الفيدرالي جيروم باول أنه هيكون من المناسب على الأرجح البدء في خفض أسعار الفائدة في وقت من الوقات خلال 2024
باول قال إن أرقام التضخم الأخيرة رغم أنها أعلى من المتوقع لكنها مش هتغير بشكل جوهري الصورة العامة وأكد أن صناع القرار هينتظروا ظهور علامات أوضح على انخفاض التضخم قبل خفض أسعار الفايدة.. وطبعا المعدلات المنخفضة إيجابية بشكل عام بالنسبة للدهب لأنه مش بيدر أي فايدة عكس أدوات الدين وشهادات الاستثمار اللى بيكون ليها عائد شهري او ربع او نصف سنوي أو سنوي حسب نوع الاستثمار فى أداة الدين.
وارتفع الدهب إلى أعلى مستوى جديد على الإطلاق عند 2301 دولار للأونصة. وبينما كرر باول نهج الانتظار والترقب اللي بيتبناه بنك الاحتياطي الفيدرالي، فمسار خفض أسعار الفائدة للبنك المركزي الأميركي هيظل دون تغيير وده أمر إيجابي للغاية بالنسبة للدهب لأنه بيشير إلى أن بنك الاحتياطي الفيدرالي هيخفض الفايدة بشكل كبير قبل الوصول إلى هدف التضخم
وفى الربع الأول من 2024 ارتفع المعدن النفيس بأكتر من 10% وسجل سلسلة من الأرقام القياسية على طول الطريق وفيه توقعات ان الدهب على نهاية السنة ممكن يوصل الى 2500 دولار
وبتظهر أحدث البيانات جمعها مجلس الذهب العالمي أن البنوك المركزية واصلت زيادة حيازاتها من الدهب في فبراير وإن كان بوتيرة أبطأ من قبل كده لكن لسه النسبة عالية جدا وكفاية تعرف ان البنوك المركزي حول العالم اشترت حوالى 19 طن دهب فى فبراير اللى فات
طب تأثير ده ايه على سوق الدهب فى مصر؟
طبعا هيكون ليه تأثير قوي جدا على سوق المع\ن النفيس والأسعار هترجع ترفع تاني بشكل ملحوظ ولو مشيت الأمور وفقا لتوقعات الخبراء فاحنا بنتكلم عن وصول الدهب عالميا الى 3000 دولار للأونصة وده معناه وصوله لمستويات تلامس الـ 5000 جنيه للجرام الواحد محليا يعنى زيادة بأكتر من 70% مرة واحدة عشان كده أى حد بيفكر يشترى دهب ياريت ما يترددش ابدا خصوصا لو الفلوس اللى معاه مش محتاجها لفترة طويلة أكتر من سنة
