للمصريين في الخارج.. لازم تشوفوا الفيديو ده عشان في مفاجأة حلوة

لو متغرب بره ومش عارف أو مش فاضي إلحق استفاد من المبادرات قبل ماتخلص.. شوف أخر مواعيد ادخال سيارات ودهب ببلاش لمصر.. وليه لازم تتحرك.. خليك معانا لاخر الفيديو.

كلنا فاكرين سنة الدولار الكبيسة واللي حصل فيها وازاي الحكومة حاولت على قد ما تقدر إنها تخفف عن الناس وتوفر الدولار من اي حتة وكانت المبادرات جزء من التكفير الحكومي وقتها والحقيقة كانت أفكار كلها مختلفة ونجحت في توفير الدولار على الأقل في وقت الأزمة وفي نفس الوقت قدرت تحل أزمات للمصريين كتير وتوفرلهم فرص كببيرة.
ومن بين المبادرات فيه مبادرتين مهمين جدا وهما مبادرة الدهب والسيارات واللي الحكومة سمحت للمغتربين المصريين بادخالهم للبلد بشروط ميسرة جدا ومن غير جمارك تقريبا ومقابل وديعة بالدولار ود خاصة بالسيارات وفي الدهب مفيش غير رسوم لاتذكر.

بالأرقام كانت حصيلة مبادرة الدهب أكتر من 4 ونص طن دهب دخلت السوق ودي كمية ضخمة جدا قدرت تعمل توازن في السوق وفي نفس الوقت الناس استفادت جدا منها طبعا، وبخصوص مبادرة السيارات قال الدكتور محمد معيط وزير المالية النهاردة إن معدلات الإفراج النهائي عن السيارات المستوردة للمصريين بالخارج ضمن مبادرة تيسير استيراد سيارات المصريين بالخارج تتزايد، وبلغت 27 ألف سيارة تسلمها المستفيدون بالضوابط الميسرة المقررة بالقانون، وإنه تم تحويل أكتر من 750 مليون دولار من المصريين المقيمين بالخارج المستفيدين بالمبادرة وده مبلغ مش قليل جدا خاصة إن البلد كانت في عرض دولار واحد.
طيب ايه الجديد بقي.. اللي احنا عاوزين نقوله لحضراتكم إن المبادرتين سواء الدهب أو السيارات قربوا يخلصوا ومفيش تجديد تاني ولازم تعرف إن يوم 29 أبريل الحالي هو آخر موعد للاستفادة بمبادرة تيسير استيراد سيارات المصريين بالخارج، وتسجيل الطلبات إلكترونيًا وسداد قيمة الوديعة المقررة، وحسب الوزير دي المهلة الأخيرة للاستفادة من المبادرة لأن مفيش مد تاني مع انفراجة سوق السيارات في البلد والقضاء على السوق السودا.

وبخصوص مبادرة الدهب بنفكركم إن مجلس الوزراء  سبق ووافق على مد العمل بقرار منح إعفاء جمركي لواردات الدهب من الجمارك، لمدة 6 شهور هتنتهي يوم 10 مايو اللي جاي وشكلها كده مفيش تمديد تاني لنفس الاسباب وهي حل أزمة الدولار واستقرار سوق الدهب في نفس الوقت.

لكن فيه حاجة مهمة لازم نعرفها قبل انتهاء مدة مبادرة السيارات وهي اللي أكد عليها الوزير لما قال إن الوزارة أصدرت 250 ألف موافقة استيرادية لغاية دلوقتي وإن الموافقات صالحة لمدة 5 سنين  ويجوز خلالها اختيار أي سيارة واستبدالها في أي وقت حتي لو بعج انتهاء مدة المبادرة رسميا، وشرح الوزير الحكاية وقال إن قيمة الوديعة اللي بتمثل قيمة الضريبة الجمركية المخفضة المقررة للسيارات المستوردة للمصريين بالخارج ضمن المبادرة، سارية طوال فترة صلاحية أو «الموافقة الاستيرادية»، إنه يحق للمالك الأول إنه يستورد السيارة بدون التقيد بسنة الصنع.